Staršynia respublikanskaha hramadskaha ab`iadnańnia «Pierśpiektyva» Anatol Šumčanka aštrafavany na 15 bazavych vieličyń (3 młn. 150 tys. rubloŭ) za akcyju pradprymalnikaŭ, jakaja adbyłasia 14 sakavika kala budynka Ministerstva pa padatkach i zborach u Minsku. Takoje rašeńnie na pasiadžeńni 6 krasavika ŭ sudzie Maskoŭskaha rajona Minska pryniała sudździa Taćciana Motyl.
Dvoje supracoŭnikaŭ milicyi, jakija vystupili śviedkami, zajavili, što bačyli, jak Šumčanka kryčaŭ na akcyi «Svabodu!» i «Pracu!». Sam ža kiraŭnik «Pierśpiektyvy» jakija-niebudź pakazańni ŭ sudzie davać admoviŭsia.
«Tut Kabiakoŭ (prem`ier-ministr Andrej Kabiakoŭ) raśpinajecca, što ŭrad choča stvaryć 50 tysiač novych pracoŭnych miescaŭ, a ja, maŭlaŭ, vyjšaŭ i pakryčaŭ «Svabodu!» i «Pracu!», i mnie try miljony štrafu dajuć. Niejak heta nie zusim pravilna», — skazaŭ Šumčanka.
Lidar «Pierśpiektyvy» nie maje namieru damahacca pierahladu rašeńnia, pryniataha sudździoj Motyl. Da samoha suda jon nie stavicca sur`iozna: «Heta kanviejer: pryniataje rašeńnie naviersie štrafavać — štrafujuć, budzie pryniataje rašeńnie sadžać — buduć sadžać».
«Ja da hetaha staŭlusia jak da častki svajoj pracy pa abaronie intaresaŭ pradprymalnikaŭ. Takija ŭmovy pracy ŭ našaj krainie. Raniej ja za heta siadzieŭ, ciapier atrymlivaju štrafy. «Raźvivajecca» kraina», — padsumavaŭ jon.
Raniej u kamientary BiełaPAN Šumčanka paviedamiŭ, što paśla akcyi 14 sakavika jon sam padyšoŭ da milicejskaha načalstva, jakoje nazirała za mierapryjemstvam, i prapanavaŭ skłaści na jaho administracyjny pratakoł, kali pravaachoŭniki ličać, što jon niešta parušyŭ. «Jany mnie skazali, što ŭ ich da mianie nijakich pytańniaŭ niama», — skazaŭ lidar «Pierśpiektyvy».
