Ruch usich vidaŭ transpartnych srodkaŭ pa vulicy Kłary Cetkin na ŭčastku ad płoščy Bahuševiča da vulicy Karła Libkniechta ŭ Minsku pierakryjuć z 9 pa 11 krasavika, paviedamiła staršy inśpiektar pa ahitacyi i prapahandzie ADAI Maskoŭskaha RUUS stalicy Luboŭ Trapaška.
«U suviazi z praviadzieńniem rabot pa budaŭnictvie novaj linii Minskaha mietrapalitena z 00.00 9 krasavika da 05.00 11 krasavika budzie zakryty ruch usich vidaŭ transpartnych srodkaŭ pa vulicy Kłary Cetkin na ŭčastku ad płoščy Bahuševiča da vulicy Karła Libkniechta», — skazała Luboŭ Trapaška.
Abjezd budzie ažyćciaŭlacca pa maršrucie vulica Niamiha - vulica Ramanaŭskaja Słabada — vulica Kalvaryjskaja. Dla zručnaści aŭtaamataraŭ na skryžavańni vulic Niamiha i Ramanaŭskaja Słabada źmieniać arhanizacyju darožaha ruchu i ŭstanoviać dadatkovuju siekcyju śviatłafora, a taksama darožny znak «napramak ruchu pa pałosach», jakija dazvolać manieŭr levaha pavarotu z vulicy Niamiha na vulicu Ramanaŭskaja Słabada.