Davajcie ščyra: kitajskija aŭtamabili ŭžo nie nastolki drennyja, jak mnohim usio jašče zdajecca. Ale nie tolki niedavier da jakaści adpužvaje mnohich ad kupli kitajskaha aŭtamabila. Jašče adzin faktar — padzieńnie cenaŭ na druhasnym rynku. Ci možna pradać užyvany kitajski aŭtamabil i, hałoŭnaje, za kolki? Raźbirajemsia z dapamohaj aŭtakatałoha TUT.BY.
Dla pačatku voźmiem krasovier Chery Tiggo. Jon vypuskajecca z dvuma matorami, 1,6 i 1,8 litra, abodva bienzinavyja. Poŭnaha pryvadu nie praduhledžana.
Mašyny z prabieham prapanujucca ŭ dosyć šyrokim asartymiencie. Tak, my znajšli Chery Tiggo 2014 hoda vypusku ź minimalnym prabieham usiaho 18 000 km. Aŭtamabil ź bienzinavym matoram 1,6 litra, miechaničnaj karobkaj pieradač, u dobraj kamplektacyi: 4 paduški biaśpieki, kandycyjanier, poŭny elektrapakiet, stereasistema. Prosiać za taki ekzemplar 167,3 młn rub.
Šukajem piacihadovy ekzemplar i chutka znachodzim. Voś Chery Tiggo 2011 hoda vypusku, z prabieham užo 87 000 km. Pad kapotam ruchavik 1,8 litra, «miechanika», jość kandycyjanier, stereasistema, elektrapakiet, sihnalizacyja, kilimki, padahreŭ piarednich siadzieńniaŭ i luk z aŭtadaciskam. Za ŭsio heta — 127,4 młn rub.
A voś varyjant 2007 hoda vypusku akazvajecca nie našmat tańniejšym. Za aŭtamabil z prabieham 81000 km prosiać 118,1 młn rub. Praŭda, hety Tiggo abstalavany 2,4-litrovym bienzinavym matoram, mietaličnaj abaronaj ruchavika i mahutnym «kienhuratnikam». I ŭsio ž, niahledziačy na hetyja plusy, cana za amal dziesiacihadovy aŭtamabil vyhladaje zavyšanaj.
Jašče adzin adnosna papularny krasovier — biełaruskaj zborki. Heta, viadoma, Geely Emgrand X7. Vialiki, salidny, jomisty i davoli kamfortny. Da nadziejnaści vialikich narakańniaŭ niama, chiba što za kuzavam sačyć treba vielmi staranna. U prodažy my znajšli ŭsiaho try asobniki. Niaŭžo ŭładalniki tak nieachvotna rastajucca z hetym pryhažunom? Dziŭna, bo chutka pryjdzie źmiena pakaleńniaŭ.
Jak by tam ni było, ale samy darahi Geely Emgrand X7 kaštuje 229,9 młn rub. Heta aŭtamabil 2013 hoda vypusku, z prabieham 17 700 km. Jon abstalavany 2,4-litrovym bienzinavym ruchavikom, aŭtamatyčnaj karobkaj pieradač i piarednim pryvadam. Jość kandycyjanier, datčyk śviatła, elektrapakiet, abahreŭ lusterkaŭ, stereasistema. Aŭtamabil jašče na harantyi ŭ praciahu 2 hadoŭ.
A voś samy tanny Geely Emgrand X7 pradajecca za 157,5 miljonaŭ rubloŭ. Heta aŭtamabil 2014 hoda z prabieham 100 000 km u dobraj kamplektacyi: skurany sałon, elektrapryvad kresła kiroŭcy, poŭny elektrapakiet, parktronik, klimat-kantrol. Ruchavik — dvuchlitrovy bienzinavy, karobka pieradač — miechaničnaja. Uličvajučy, što mašyna prabiehła ŭžo 100 000 km, harantyi na jaje niama, choć u abjavie paviedamlajecca ab jaje najaŭnaści.
Siedan Geely SC7 i zusim pradajecca ŭ adzinym ekzemplary. Na prodaž vystaŭleny aŭtamabil 2014 hoda vypusku z prabieham 9800 km. Heta siedan z 1,8-litrovym bienzinavym matoram, MKP, bartavym kampjutaram, klimat-kantrolem, elektrapakietam, datčykam śviatła i dadatkovym kamplektam zimovaj humy. Prosiać za aŭtamabil 162,4 młn rub. Kamplektacyja, viadoma, niadrennaja, ale… heta cana biudžetnych siedanaŭ rasijskaj zborki, davieru da jakich čamuści bolš.
Usiedarožnik Great Wall Hover u abjavach ab prodažy karystajecca vialikaj papularnaściu. U našaj bazie apynułasia 21 mašyna. Pa kanstrukcyi heta paŭnavartasny ramny ŭsiedarožnik ź ćviorda padłučalnym piarednim mastom i panižalnym šeraham u tranśmisii.
Samy śviežy i darahi ekzemplar — Great Wall Hover 2014 hoda vypusku, jaki prapanujecca za 435,1 miljonaŭ rubloŭ. Doraha? Ale heta paŭnapryvadny ŭsiedarožnik z dyzielnym ruchavikom, MKP i prabieham 1000 km, to bok novy. Pry hetym u vielmi bahataj kamplektacyi sa skuranym sałonam, kamieraj zadniaha vidu, klimat-kantrolem, kalennymi paduškami biaśpieki (nie ličačy frantalnych i bakavych).
Cana na piacihadovy aŭtamabil — u dva razy nižejšaja. Tak, Great Wall Hover 2011 hoda vypusku z prabieham 73 000 km kaštuje 234,3 młn rub. Ale tut pad kapotam dvuchlitrovy bienzinavy ruchavik. Pryvad — padklučajecca poŭny, z panižalnym šeraham. Kamplektacyja niadrennaja: padahreŭ pieradnich siadzieńniaŭ, datčyki śviatła i daždžu, klimat-kantrol, centralny zamok i ŭsiaho dźvie paduški biaśpieki.
Adzinki pieršych hadoŭ vypusku jašče tańniejšyja. Samy dastupny varyjant my znajšli za 151,6 miljonaŭ rubloŭ. Heta Great Wall Hover 2007 hoda vypusku z prabieham 93000 km. U jaho taki ž žorstka padłučalny poŭny pryvad z panižalnaj pieradačaj. Pad kapotam — 2,4-litrovy bienzinavy ruchavik u spałučeńni z «miechanikaj». Jość klimat-kantrol, stereasistema, padahreŭ lusterkaŭ, elektrapakiet. Praŭda, ź vialikaj dolaj vierahodnaści ŭładalniku daviadziecca zmahacca ź iržoj, tamu što asablivaj ustojlivaściu da hetaj navały aŭtamabili pieršych hadoŭ vypusku nie adroźnivajucca.
Piaredniepryvadny krasovier Lifan X60 2012 hoda vypusku prapanujecca za 165,4 miljonaŭ rubloŭ. Heta mašyna z prabieham 67000 km u siaredniaj kamplektacyi z kandycyjanieram, skuranym sałonam, padahrevam siadzieńnia kiroŭcy i elektrapakietam. Ruchavik u Lifan X60 tolki adzin — 1,8-litrovy bienzinavy, karobka pieradač — miechaničnaja, piacistupienistaja.
Cikava, što ekzemplary 2014 hoda vypusku tolki krychu daražejšyja. Tak, my znajšli Lifan X60 z prabieham usiaho 25 000 km za 177,2 miljonaŭ rubloŭ u padobnaj kamplektacyi.
Dziŭna, ale, miarkujučy pa abjavach, cana na patrymanyja kitajskija aŭtamabili nie padaje «imklivym damkratam» z kožnym pražytym dniom abo projdzienym kiłamietram. Zakony cenaŭtvareńnia dla ich takija ž, jak i dla lubych inšych aŭtamabilaŭ: japonskich, karejskich ci niamieckich. Prosta pieršapačatkova bolš nizkaja cana novych aŭto pryvodzić da taho, što i patrymanyja kaštujuć tańniej za svaich bolš znakamitych adnakłaśnikaŭ. Uvohule, usio pa-sapraŭdnamu. Što, zrešty, usio roŭna nie vyrašaje prablemy: ci realna pradać užyvany kitajski aŭtamabil?
