U Minsku vyraśli staŭki adzinaha padatku za miesiac ź indyvidualnych pradprymalnikaŭ i inšych fizičnych asob. Novyja pamiery stavak byli ŭstanoŭlenyja Minskim haradskim Savietam deputataŭ rašeńniem ad 26 sakavika 2016 hoda № 190, a nabyvaje moc dakumient 7 maja, paviedamlaje Nacyjanalny centr pravavoj infarmacyi.
Naprykład, u adpaviednaści z rašeńniem Minharsavieta staŭka adzinaha padatku ź IP i fizičnych asob pry akazańni pasłuh pa ramoncie aŭtamabilaŭ vyrasła z 1.560.000 rubloŭ da 1.800.000 rubloŭ u miesiac, staŭka adzinaha padatku na dziejnaść u halinie fatahrafii padaražeła na 120 tysiač i zaraz składzie 920 tysiač rubloŭ. Padaražeŭ taksama adziny padatak dla repietytaraŭ (300 tysiač rubloŭ), miedykaŭ, jakija viaduć pryvatnuju praktyku, uklučajučy stamatołahaŭ (1.400.000 rubloŭ), prahramistaŭ (1.040.000 rubloŭ) i inšych.
Akramia taho, jak paviedamlaje Nacyjanalny centr pravavoj infarmacyi, u pieraliku źjavilisia novyja punkty, jakija tyčacca zdačy ŭ arendu žylla akramia davańnia miescaŭ dla karotkaterminovaha pražyvańnia. Staŭka adzinaha padatku dla zdačy ŭ arendu, najom žyłych pamiaškańniaŭ składzie 520 tysiač rubloŭ u miesiac, u tym liku ŭ piataj ekanomika-płanirovačnaj zonie Minska — 470 tysiač rubloŭ, sadovych domikaŭ — 470 (420) tysiač rubloŭ, mašyna-miescaŭ — 140 (130 ) tysiač rubloŭ.
U papiaredni raz staŭki adzinaha padatku źmianialisia ŭ lutym 2015 hoda.
