Viadučy iranski vytvorca aŭtamabilaŭ Iran Khodro Company padpisaŭ miemarandum ab uzajemarazumieńni ź biełaruskaj aŭtazboračnaj kampanijaj «Junisan».
Jak paviedamlaje iranski vytvorca, miemarandum ab uzajemarazumieńni źjaŭlajecca častkaj stratehii IKCO pa pašyreńni ekspartnych rynkaŭ. Dakumient byŭ padpisany paśla taho, jak kampanija «Junison» vykazała svaju zacikaŭlenaść u adnaŭleńni suviaziaŭ z Iran Khodro. Pahadnieńnie padpisanaje ŭ kułuarach pasiadžeńnia irana-biełaruskaj sumiesnaj ekanamičnaj kamisii ŭ Tehieranie.
«Uličvajučy členstva Biełarusi ŭ Jeŭrazijskim mytnym sajuzie, padpisany miemarandum maje vialikaje značeńnie dla Iran Khodro Company i moža dapamahčy vyvieści pradukcyju na rynak hetaha rehijona pa kankurentazdolnych cenach», — havorycca ŭ paviedamleńni.
Adznačajecca taksama, što z pry najaŭnaści nieabchodnych siertyfikataŭ i standartaŭ dla ekspartu transpartnych srodkaŭ u dziaržavach — členach jeŭrazijskaha mytnaha sajuza, Iran Khodro «zmoža viarnuć svaju dolu na rynkach SND u najbližejšaj budučyni».
Nahadajem, prajekt pa vytvorčaści lehkavych aŭtamabilaŭ Samand realizoŭvaŭsia ŭ Biełarusi z 2007 hoda, kali było zaklučanaje inviestycyjnaje pahadnieńnie z Iran Khodro. Biełaruski bok raźličvaŭ davieści mahutnaści novaj vytvorčaści da 30 tysiač aŭtamabilaŭ u hod z ulikam mahčymaści vychadu na rynak Mytnaha sajuza.
U 2009 hodzie Iran Khodro zajaviła pra hatoŭnaść pavialičyć svaju dolu ŭ statutnym fondzie sumiesnaha pradpryjemstva da 40% i paśpiachova zaviaršyła hetuju ździełku pa afšornych schiemach. Paźniej inviestar pavialičyŭ svaju dolu da 49% i zajaviŭ ab płanach naraścić jaje da kantrolnaha pakieta, udakładniŭšy, što mienavita heta stanie asnoŭnaj umovaj dla dalejšych inviestycyj i pačatku realizacyi druhoj fazy prajekta. Hetaja faza praduhledžvała pavieličeńnie stupieni łakalizacyi zborki da 51%, što źjaŭlałasia nieabchodnaj umovaj dla lhotnaj pracy ŭ Mytnym sajuzie.
U lutym 2011 hoda namieśnik premjer-ministra Uładzimir Siamaška zajaviŭ, što Biełaruś «nadzvyčaj nie zadavolenaja» pracaj sumiesnaha pradpryjemstva pa vytvorčaści iranskich aŭtamabilaŭ «Samand». «My nadzvyčaj nie zadavolenyja, jak razhortvajecca vytvorčaść, — skazaŭ Siamaška. — Za piać hadoŭ pracy zrabili tolki tysiaču aŭtamabilaŭ, i toje pad maim naciskam jany byli nabytyja MUS i inšymi viedamstvami».
U lutym 2013 hoda pasoł Irana ŭ Biełarusi Machamad Reza Sabury na pres-kanfierencyi ŭ Minsku zajaviŭ, što biełaruska-iranski prajekt pa zborcy lehkavych aŭtamabilaŭ «Samand» na mahutnaściach SP ZAT «Junisan» pad Minskam faktyčna zhornuty z-za kanfliktu intaresaŭ asnoŭnych akcyjanieraŭ. «Prajekt pa zborcy aŭtamabilaŭ» Samand «ažyćciaŭlaŭsia sumiesna ź iranskaj kampanijaj Iran Khodro, i 49% akcyj hetaha prajekta naležyć Iran Khodro», — adznačyŭ Sabury. Pavodle jaho słoŭ, «mienavita z-za hetych 49% akcyj paŭstali jurydyčnyja i pravavyja prablemy».
***
Biełaruska-brytanskaje sumiesnaje pradpryjemstva ZAT «Junisan» zasnavanaje ŭ 1996 hodzie i stała pieršym u Biełarusi vytvorcam lehkavych aŭtamabilaŭ, mikraaŭtobusaŭ i śpiecyjalizavanaha aŭtamabilnaha transpartu. Raźmieščanaje ŭ vioscy Abčak za 10 km ad stalicy i źjaŭlajecca rezidentam svabodnaj ekanamičnaj zony «Minsk». Zavod pabudavany pavodle jeŭrapiejskich standartaŭ i maje sučasnaje technałahičnaje abstalavańnie.
Za svaju historyju pradpryjemstva realizavała niekalki prajektaŭ pa vytvorčaści aŭtamabilaŭ, takich jak Ford, Lublin, Samand, Zotye.
