Ipešnica z Homiela, jakaja zajmałasia rytualnymi pasłuhami, vyrašyła vykarystać milicyjantaŭ u jakaści infarmataraŭ dla pošuku patencyjnych klijentaŭ.
U HUUB MUS Respubliki Biełaruś pastupiła infarmacyja ab tym, što pradprymalnica aktyŭna šukaje infarmataraŭ u milicejskaj asiarodździ pa pradastaŭleńni źviestak pra fakty śmierci hramadzian. U hety raz zrabiła staŭku na «maładych» supracoŭnikaŭ milicyi.
Za kožny zvanok ipešnica abiacała pa 600 tysiač rubloŭ. A kab zaścierahčy kanał pieradačy infarmacyi - prapanoŭvała SIM-karty, zarehistravanyja na pamierłych ludziej.
«U metach niejtralizacyi paznačanaj pahrozy ŭłasnaj biaśpieki orhanam unutranych spraŭ i ŭźniaćcia imidžu milicyi, šostym upraŭleńniem HUUB MUS pryniatyja miery da zatrymańnia pradprymalnika i jaje pamahataha. Padčas sproby pieradać hrošy supracoŭniku milicyi zatrymany jaje muž, paśla supracoŭnikami USK pa Homielskaj vobłaści jamu pradjaŭlenaje abvinavačvańnie za pasrednictva ŭ chabarnictvie», - paviedamlaje pres-słužba Homielskaha UUS
Zatrymanaja i sama žančyna, u dačynieńni da jaje raspačataja kryminalnaja sprava za daču chabaru. Žančynu źmiaścili pad vartu, joj pahražaje da 5 hadoŭ, jaje mužu – da 4 hadoŭ pazbaŭleńnia voli.
Raniej na Homielščynie za padobnyja ž dziejańni ŭ rozny čas užo byli zaviedzieny kryminalnyja spravy ŭ dačynieńni da pradprymalnika, supracoŭnika milicyi i patołahaanatama.
