Kamunistyčnaja partyja Biełarusi płanuje vyłučyć pa kandydatu ŭ deputaty ŭ kožnaj sa 110 akruhaŭ, zajaviŭ sakratar CK KPB Hieorhij Atamanaŭ.
Atamanaŭ adznačyŭ, što imiony pretendentaŭ u deputaty buduć ahučany paśla źjezdu partyi ŭ siaredzinie lipienia, adnak bolšaść ź ich užo vyznačany. Płanujuć kamunisty trapić i ŭ saviet respubliki.
«Ale my, u adroźnieńnie ad inšych palitykaŭ, kukarekać nie budziem. Jak pasłuchaješ — dyk jany i va ŭsie akruhi iduć, i ŭ saviet respubliki. A jak raźbiarešsia — usiaho niekalki akruhaŭ. Bo treba razumieć, što jašče nie fakt, što zarehistrujuć usich našych kandydataŭ i inšaje», — dadaŭ Atamanaŭ.
0
0
0
0
0
0