uefa.com
Na čempijanacie Jeŭropy pa futbole siońnia pačaŭsia płej-of. U pieršym matčy 1/8 finału hulali zbornyja Polščy i Šviejcaryi.
Kali pieršy tajm byŭ za našymi zachodnimi susiedziami (na 39-j zabiŭ Kuba Błaščykoŭski), to druhi tajm i dadatkovy čas prajšoŭ pad dyktoŭku Šviejcaryi. Na 82-j chvilinie hoł-pryhažun udaram praź siabie zabiŭ Džerdan Šakiry. Jašče paru razoŭ vyručyŭ hałkipier Fabjanski. U vyniku — 1:1.
uefa.com
Usio vyrašyłasia ŭ sieryi pienalci, dzie macniej była Polšča — 5:4 (realizavali 11-mietrovyja i Levandoŭski, i znoŭ Błaščykoŭski). Šviejcarac Džaka prabiŭ mima bramy.
uefa.com
Polšča i kročyć u 1/4 finału, dzie zhulaje ź pieramožcam pajadynku Charvatyja — Partuhalija.
Hety matč pačniecca siońnia a 22-j.
A 19-j u Paryžy inšaja hulnia — Uels — Paŭnočnaja Irłandyja.
U niadzielu hulajuć: Francyja — Irłandyja (16:00), Hiermanija — Słavakija (19:00), Vienhryja — Bielhija (22:00).
