Były premjer Małdovy Uład Fiłat prysudžany da 9 hadoŭ źniavoleńnia pavodle abvinavačańnia ŭ karupcyi. Sud u Kišyniovie taksama nakłaŭ na Fiłata štraf u pamiery kala 3700 dalaraŭ, pastanaviŭ kanfiskavać u jaho častku majomaści i pazbaviŭ prava zajmać kirujučyja pasady na praciahu piaci hadoŭ.
Abvinavačvańnie patrabavała dla Fiłata 19 hadoŭ pazbaŭleńnia voli.
Premjer-ministr Uład Fiłat byŭ aryštavany ŭ kastryčniku 2015 hoda, paśla taho jak parłamient Małdovy prahałasavaŭ za źniaćcie ź jaho deputackaj niedatykalnaści. Jaho padazrajuć u dačynieńni da źniknieńnia 1 młrd dalaraŭ z troch małdaŭskich bankaŭ. Źnikłyja hrošy ekvivalentnyja adnoj vośmaj VUP hetaj krainy.
Libierał-demakratyčnaja partyja, jakuju ŭznačalvaŭ Fiłat, nazvała spravu pra jaho palityčnaj i parušajučaj pravy čałavieka.