Fota president.gov.ua
Prezident Ukrainy Piatro Parašenka 8 lipienia niečakana admianiŭ svoj vystup na ekśpiertnym forumie, jaki prachodzić adnačasova z samitam NATO ŭ Varšavie, pieradaje DW.
Zamiest hetaha ŭkrainski lidar razam z ukrainskaj delehacyjaj z udziełam narodnaha deputata Ukrainy Nadziei Saŭčanka ŭskłaŭ kvietki da Pomnika achviaram Vałynskaj trahiedyi ŭ Varšavie.
I navat uklenčyŭ pierad manumientam, jak heta ŭ svoj čas zrabiŭ kancler FRH Vili Brandt, kab paprasić prabačeńnia ŭ Varšavie za złačynstvy nacyzmu.
Parašenka zapaliŭ łampadku kala manumienta ŭ znak pavahi pamiaci zahinułych.
Manumient u vyhladzie kryža z raśpiaćciem byŭ ustalavany ŭ lipieni 2013 hoda.
Ahladalniki nie vyklučajuć, što Parašenka pasprabavaŭ takim čynam supakoić situacyju va ŭkrainska-polskich adnosinach napiaredadni čarhovaj hadaviny padziej na Vałyni ŭ 1943 hodzie. Tady padčas ukrainska-polskaha supraćstajańnia zahinuli tysiačy palakaŭ.
Apošnimi dniami ŭ Polščy abvastryłasia abstanoŭka vakoł hetaj temy, pra jakuju tut uzhadvajuć 11 lipienia. Sienat Polščy — krainy, jakuju Ukraina ličyć svaim samym ciesnym sajuźnikam 8 lipienia zaklikaŭ pryznać Vałynskuju trahiedyju hienacydam.
