U Hrecyi z 1 studzienia 2018 hoda buduć spahaniać padatak z turystaŭ.
Suma padatku budzie roznaj, u zaležnaści ad taho, dzie spyniŭsia vandroŭnik. Bolš za ŭsio daviadziecca zapłacić pastajalcam piacizorkavych haścinic — 4 jeŭra za numar za adnu noč. Klijenty hatelaŭ z čatyrma zorkami addaduć 3 jeŭra za noč, z tryma zorkami — 1,5 jeŭra. Mienš za ŭsio zapłaciać pastajalcy hatelaŭ z adnoj i dźviuma zorkami - 0,5 jeŭra.
Akramia taho, raźmiaščeńnie ŭ trochpakajovych apartamientach budzie kaštavać 0,5 jeŭra za noč. Tym, chto spynicca na adpačynak u čatyrochpakajovych apartamientach ci kvatery, treba budzie zapłacić 1 jeŭra.
Padatak budzie spahaniacca z usich padarožnikaŭ — i arhanizavanych i samastojnych, niezaležna ad siezonu.
Dadzieny zbor źjaŭlajecca častkaj pakieta mier žorstkaj ekanomii, pryniataha parłamientam Hrecyi.