Turcyja vyrašyła časova prypynić dziejańnie Jeŭrapiejskaj kanviencyi pa pravach čałavieka ŭ suviazi z nadzvyčajnym stanoviščam u krainie, paviedamiŭ namieśnik premjer-ministra krainy Numa Kurtułmus.
Čynoŭnik zapeŭniŭ, što fundamientalnyja pravy i svabody tureckich hramadzian pry hetym nie pacierpiać.
Kurtułmus spasyłajecca na dośvied Francyi, u jakoj taksama dziejničaje nadzvyčajnaje stanovišča i prypynienaje dziejańnie kanviencyi.
Pavodle jaho słoŭ, 15-y artykuł Jeŭrapiejskaj kanviencyi dazvalaje krainie admovicca ad častki abaviazacielstvaŭ u vypadku nadzvyčajnaj situacyi, jakaja zaminaje joj ich vykonvać.
Heta sapraŭdy tak: artykuł dazvalaje adstupić ad abaviazacielstvaŭ u vypadku vajny i inšych nadzvyčajnych abstavinaŭ. Tym nie mienš, u artykule ahavorvajecca, što parušeńnie bazavych pryncypaŭ kanviencyi navat u hetym vypadku niedapuščalnaje. Naprykład, u artykule pakazana, što navat u vypadku nadzvyčajnych abstavinaŭ katavańni zabaronienyja. Tym nie mienš, kanviencyja dapuskaje śmiarotnaje pakarańnie.
Prezident Redžep Taip Erdahan paśla niaŭdałaj sproby pieravarotu ŭ Turcyi abviaściŭ nadzvyčajnaje stanovišča, jakoje budzie doŭžycca try miesiacy.