Vybuchovuju pryładu pad aŭtamabil Subaru, na jakim žurnalist Pavieł Šaramiet jechaŭ na ranišni efir, zakłała žančyna. Pra heta paviedamiła vydańnie «Obozrievatiel», u rasparadžeńni jakoha akazalisia zapisy z kamier videanazirańnia.
Videa, apublikavanaje na sajcie «Obozrievatiela», ujaŭlaje saboj sklejku videazapisaŭ ź niekalkich kamier nazirańnia, na jakich zachavanyja roznyja časavyja pramiežki ŭ noč na 20 lipienia.
Spačatku, śćviardžaje vydańnie, mužčyna padychodzić da pryparkavanaha aŭtamabila, u jakim ranicaj padarviecca Šaramiet, i padrychtoŭvaje usio dla prymacavańnia vybuchovaha prystasavańnia. Praź dźvie hadziny jon i žančyna iduć u kirunku doma Šaramieta na adlehłaści 15 m adzin ad adnaho, pry hetym u ruce ŭ žančyny vidać ciažkuju sumku. Praź piać chvilin jany ŭžo razmaŭlajuć adno z adnym, i mužčyna pačynaje imitavać chadu pjanaha čałavieka.
Paśla hetaha žančyna spyniajecca la Subaru, kładzie pad dno źmieściva pakieta i sychodzić.