Siońnia, 26 lipienia, u ramkach 3-ha raŭndu kvalifikacyi futbolnaj Lihi čempijonaŭ BATE praviazie pieršy matč suprać irładskaha «Dandałka».
Hulnia projdzie na «Barysaŭ-Arenie» i pačniecca ŭ 21:00. Pajadynak u adkaz praz tydzień.
BATE i «Dandałk» hulali hod tamu ŭ 2-m kvalifikacyjnym raŭndzie, i biełaruski kłub prajšoŭ dalej pa sumie dvuch matčaŭ — 2:1 i 0:0.
Pieramožca sioletniaha dvuboju prachodzić u płej-of kvalifikacyi, što, jak minimum, harantuje pucioŭku ŭ hrupavy turnir Lihi Jeŭropy.
BATE piać razoŭ dabiraŭsia da hrupavoha turnira Lihi čempijonaŭ.
Pieršy raz u siezonie 2008/2009 hh. Taksama barysaŭski kłub vychodziŭ u hrupavy etap uletku 2011, 2012, 2014 i 2015 hh.
U hrupavym turniry Lihi Jeŭropy BATE vystupaŭ u 2009/2010 i 2010/2011 hh. Siudy jon vybyvaŭ praź letnija asiečki ŭ kvalifikacyi ŁČ.
Tolki ŭ siezonie 2013-2014 barysaŭski kłub nie vystupaŭ u asieńniaj stadyi jeŭrakubkaŭ.