Va ŭkrainskim Łucku z 5 pa 7 žniŭnia prajšoŭ dziasiaty «fiestyval ukrainskaha duchu» «Banderštat».
U hetym hodzie partnioram festu staŭ atrad «Pahonia». Taksama na fiestyval pryjechali biełaruskija dobraachvotniki, jakija słužać va ŭkrainskaj armii, z taktyčnaj hrupy «Biełaruś» i pałku «Azoŭ». Jany pastavili admysłovy namiot, u jakim možna było nabyć biełaruskuju suvienirnuju pradukcyju, a taksama parazmaŭlać niepasredna z dobraachvotnikami.
U jakaści chedłajnera na fiestyvali vystupiŭ biełaruski hurt Brutto. Pierad hetym dobraachvotniki zładzili akcyju pa razdačy biełaruskich ściahoŭ, jakija paźniej i byli padniatyja padčas vystupu hurtu. Usiaho było razdadziena 100 ściahoŭ.
Akramia taho, u ramkach imprezy adbyłasia hutarka ź lidaram «Maładoha frontu» Źmitrom Daškievičam.
Taksama ŭ hutarkach uziali ŭdzieł narodnyja deputaty Nadzieja Saŭčanka i Uładzimir Parasiuk. Apošni, ubačyŭšy biełaruski namiot, pryjšoŭ da dobraachvotnikaŭ, kab vykazać im svaju padtrymku.
Akramia Brutto, chedłajnerami festu sioleta byli viadomyja ŭkrainskija hurty «Tartak», «Antitiła», O.Torvald, «Roliks», «Braty Hadziukiny» i pieramožca «Jeŭrabačańnia» — Džamała.
Pierad vystupam «Tartaku» ź vitalnym słovam na hałoŭnaj scenie festu vystupili biełaruskija dobraachvotniki.
Da ŭdziełu ŭ fiestyvali zaprašajucca tolki vykanaŭcy, tvorčaść jakich maje «praŭkrainski źmiest».
Ale dla biełaruskaha hurtu tradycyjna robicca vyklučeńnie. Raniej na «Banderštacie» ŭžo vystupali «Tavaryš Maŭzer», Vinsent, «Ściana», Akute, Terrakod i Brutto.
Akramia muzyčnaj sceny, udzielnikaŭ fiestyvalu čakali sustrečy ź vieteranami Ukrainskaj Paŭstanckaj Armii i viadomymi hramadskimi i kulturnymi dziejačami, litaraturnaja scena i šerah lekcyjaŭ na raznastajnuju tematyku, etničny kirmaš, načny kinasieans ukrainskaha kino na paŭstanckuju tematyku, načnyja piesiennyja vohniščy i šmat inšaha.
