Milicyja skłała administracyjnyja pratakoły ŭ dačynieńni da 14 udzielnikaŭ niesankcyjanavanaha šeścia ŭ Minsku, jakoje adbyłosia 25 žniŭnia i było pryśviečana 25-hodździu ŭvachodžańnia ŭ siłu Dekłaracyi ab dziaržaŭnym suvierenitecie Biełarusi.
«25 žniŭnia 2016 hoda ŭ staličnym parku imia Ja.Kupały sabrałasia hrupa hramadzian, jakaja kałonaj prajšła pa tratuary da płoščy Niezaležnaści. U dačynieńni da 14 udzielnikaŭ niesankcyjanavanaj akcyi składzieny pratakoły ab administracyjnych pravaparušeńniach, praduhledžanych art. 23.34 KoAP Respubliki Biełaruś», — havorycca ŭ paviedamleńni HUUS Minharvykankama.
Iinicyjataram akcyi vystupiła mižnarodnaje hramadskaje abjadnańnie «Małady front». Akcyja pačałasia z Kupałaŭskich čytańniaŭ u skviery imia Janki Kupały la pomnika narodnamu paetu. Zatym kala 70 udzielnikaŭ akcyi prajšli śviatočnym šeściem pa praśpiekcie Niezaležnaści da adnajmiennaj płoščy.
Kali ŭdzielniki praktyčna razyšlisia, piaciora nieviadomych maładych ludziej u kurtkach z naciahnutymi na hałovy kapiušonami zakidali udzielnikaŭ šeścia jajkami i pabiehli ŭ bok vulicy Miaśnikova.
Niahledziačy na toje što ŭ pahoni za imi ŭdzielničała niekalki milicyjanieraŭ, jakoj-niebudź infarmacyi ab ich zatrymańni nie pastupała.
