Kampanija Samsung spyniła prodažy smartfonaŭ novaj madeli Galaxy Note 7, jakaja pastupiła ŭ prodaž u žniŭni, u suviazi z vyjaŭlenymi vypadkami ŭzharańnia pryład pry zaradcy. Kampanija taksama maje namier adklikać raniej pradadzienyja pryłady.
Fota: Ariel Gonzalez
Pavodle dadzienych navinavaha ahienctva «Renchap», Samsung abvieścić ab hłabalnym adklikańni smartfonaŭ u bližejšyja vychadnyja abo ŭ pačatku nastupnaha tydnia.
31 žniŭnia ŭ kampanii paviedamili, što prypyniać pastaŭki Galaxy Note 7, pakolki pryłady prachodziać dadatkovyja kantrolnyja vyprabavańni.
U čaćvier na fonie čutak pra vypadki ŭzharańnia batarei novaha telefona akcyi kampanii stracili ŭ canie 2%.
Batareja nibyta vybuchnuła abo zaharełasia ŭ niekalkich asobnikach novaha hadžeta. U sacsietkach i na Youtube źjavilisia fota i videa, jakija paćviardžajuć hetuju infarmacyju.
