Biełaruskaja partyja «Zialonyja» nie pryznała vyniki vybaraŭ.
«My zajaŭlajem ab svaim niepryznańni vynikaŭ hetych vybaraŭ i zaklikajem naziralnikaŭ, mižnarodnyja arhanizacyi i suśvietnuju supolnaść dać abjektyŭnuju acenku tamu, što adbyłosia», — havorycca ŭ zajavie partyi.
«Zialonyja» mieli piacioch kandydataŭ u deputaty. Jak havorycca ŭ zajavie, udzieł u vybarach nie śviedčyć pra ich lehitymizacyju:
«Naadvarot, my stavili svajoj metaj demanstracyju faktaŭ padmanu, vykryćcio šou niespraviadlivaści i prynižeńnia hramadzian, jakoje pravodzicca ŭ Biełarusi pad nazvaj «vybary».
«My nie raźličvali na toje, što vybary stanuć adkrytymi, demakratyčnymi i spraviadlivymi, pakolki ŭłady nie stvaryli dla hetaha nijakich umoŭ, ništo nie pakazvała na kardynalnyja pieramieny», — kažuć «Zialonyja».
Pavodle zajavy, važnaj metaj udziełu «zialonych» u vybarach było «pryciahnieńnie ŭvahi da prablemy budaŭnictva Astravieckaj atamnaj elektrastancyi».
«My zajaŭlali i zajaŭlajem, što hety niebiaśpiečny i ekanamična niavyhadny dla Biełarusi prajekt pavinien być spynieny».