Mižnarodnaje rejtynhavaje ahienctva Moody's paniziła doŭhaterminovy kredytny rejtynh Turcyi na adnu prystupku — z ŭzroŭniu «Vaa3» da «Ba1».
U adroźnieńnie ad papiaredniaha, uzrovień «Va1» ličycca spekulacyjnym i nazyvajecca na pryniatym siarod finansistaŭ žahonie «śmiećcievym».
Ahienctva tłumačyć svajo rašeńnie pavyšeńniem ryzyk u suviazi z patrebaj Turcyi ŭ źniešnich zapazyčańniach pry niespakojnaj palityčnaj situacyi ŭnutry krainy.
Na dumku analitykaŭ Moody's, reakcyja tureckaha ŭrada na lipieńskuju sprobu vajennaha pieravarotu aznačaje, što čakanyja reformy adkładajucca, i ŭ pryncypie stavicca pad sumnieŭ viaršenstva zakona ŭ hetaj krainie.
U jakaści niehatyŭnych faktaraŭ ahienctva taksama adznačaje ŭsio čaściejšyja vypadki hvałtu ŭnutry krainy i nastupstvy rasijskich sankcyj suprać Turcyi.