Mahčymaje abrańnie prezidentam ZŠA respublikanca Donalda Trampa budzie ŭjaŭlać niebiaśpieku mižnarodnaha maštabu, zajaviŭ viarchoŭny kamisar AAN pa pravach čałavieka Zejd Raad al-Chusejn.
Pa słovach pradstaŭnika AAN, šerah vykazvańniaŭ Trampa adnosna nieabaronienych sacyjalnych hrup vyklikaje surjoznuju zaniepakojenaść i hłybokuju tryvohu.
«Kali Donald Tramp budzie abrany z ulikam taho, što jon užo skazaŭ, ja dumaju, što, biez sumnieńniaŭ, heta budzie niebiaśpiečnaja situacyja ź mižnarodnaha punktu hledžańnia», — zajaviŭ Zejd Raad al-Chusejn.
Viarchoŭny kamisar AAN pa pravach čałavieka taksama adznačyŭ, što raniej Tramp z uchvałaj vykazvaŭsia pra ŭžyvańnie katavańniaŭ — praktyku, jakaja zabaronienaja mižnarodnym zakanadaŭstvam.
Jak stała viadoma na minułym tydni, u vieraśni Rasija padała skarhu ŭ AAN u suviazi z vykazvańniami Zejda Raad al-Chusejna ŭ adras kandydata ŭ prezidenty ZŠA Donalda Trampa.
Pastajanny pradstaŭnik Rasii pry AAN Vital Čurkin tady zajaviŭ, što Zejd Raad al-Chusejn, na dumku Maskvy, «čas ad času pierachodzić miežy», krytykujučy «niekatorych lidaraŭ dziaržaŭ i ŭradaŭ».