Mižnarodnaja arhanizacyja kryminalnaj palicyi (Interpał) adkłała rašeńnie ab siabroŭstvie Palestynskaj aŭtanomii, Kosava i Sałamonavych vyspaŭ, piša VVS.
«Usie biahučyja i budučyja zajaŭki ab siabroŭstvie, u tym liku ad Respubliki Kosava, Palestynskaj dziaržavy i Sałamonavych vyspaŭ byli prypynienyja», — havorycca ŭ zajavie arhanizacyi.
Interpał pryznačyŭ daradcu, jaki pavinien budzie razhladać zajaŭki na ŭstupleńnie ŭ arhanizacyju, jaho dakład budzie pradstaŭleny na pasiadžeńni hienasamblei Interpała ŭ Piekinie ŭ nastupnym hodzie.
Izrailskija ŭłady zajavili, što zajaŭka Palestynskaj aŭtanomii na ŭstupleńnie ŭ arhanizacyju była sprobaj palityzavać Interpał.
«Izrailskaje ministerstva zamiežnych spraŭ razam ź izrailskaj palicyjaj […] pryciahnuła mižnarodnuju padtrymku, kab sarvać palestynskuju inicyjatyvu», — havorycca ŭ sumiesnaj zajavie viedamstvaŭ.
U ciapierašni čas da Interpała, stvoranaha dla abjadnańnia namahańniaŭ pravaachoŭnych orhanaŭ roznych dziaržaŭ, dałučylisia 190 krain.