Alaksandr Łukašenka pryznačyŭ Valeryja Małašku ministram pracy i sacyjalnaj abarony.
Kiraŭnik dziaržavy adznačyŭ, što adpaviednaje kadravaje rašeńnie prymałasia paśla starannaha analizu cełaha šerahu kandydatur.
Vybar na karyść Valeryja Małaški byŭ zrobleny ŭ tym liku tamu, što jon u bolšaj stupieni bačyć tyja ci inšyja prablemy i niedachopy na nizavym uzroŭni, štodnia ź imi pracuje.
«Heta ministerstva pavinna ŭznačalić surjoznaje ŭdaskanaleńnie ŭsich napramkaŭ dziejnaści. U nas samaja vialikaja prablema tut — niezadavolenaść ludziej pa peŭnych pytańniach, — adznačyŭ Alaksandr Łukašenka. — Usio pavinna być prapracavana ŭ vas. I ŭsio, što my tam budziem prapracoŭvać, treba zaziamlić», — skazaŭ jon.
Da ciapierašniaha času Valeryj Małaška pracavaŭ namieśnikam staršyni Mahiloŭskaha abłvynkama. Mienavita jon u svoj čas pryniaŭ rašeńnie ab źniaćci z pomnika Puškinu cytaty ź vierša «Paklopnikam Rasii».