Vyratavalnyja pracy pad Sočy, tass
Pryjarytetnaj viersijaj krušeńnia Tu-154 pad Sočy stała viersija «techničnaj niaspraŭnaści». Pra heta «Interfaksu» paviedamiła krynica va ekstranych słužbach.
Jana «vyjšła na pieršy płan», udakładniŭ surazmoŭca. Pavodle jaho słoŭ, pamyłka piłotaŭ «małaimaviernaja» — piłoty mieli «vialiki vopyt kiravańnia pavietranymi sudnami takoha typu i značny nalot hadzin». Umovy nadvorja ŭ rajonie krušeńnia taksama byli «spryjalnymi dla vykanańnia palotu», dadała krynica.
Pavodle jaho słoŭ, viersija teraktu «praktyčna vyklučajecca».
Minabarony RF, u svaju čarhu, zajaviła, što samalotam kiravaŭ daśviedčany piłot Raman Vołkaŭ. Jon - lotčyk pieršaha kłasa z ahulnym nalotam bolš za try tysiačy hadzin, padkreślili ŭ viedamstvie, pieradaje TASS.
