Fota: AR
Daminikanskaje pieryjadyčnaje vydańnie El Nacional paprasiła prabačeńnia za pamyłkovuju publikacyju fatahrafii akciora Aleka Bołduina zamiest prezidenta ZŠA Donalda Trampa.
U piatnicu ŭ haziecie było apublikavanaje fota Bołduina ŭ vobrazie Trampa z paradyjnaha skietča ŭ pieradačy Saturday Night Live na telekanale NBC. U podpisie pad zdymkami było napisana: «Prezident ZŠA Donald Tramp».
Nieŭzabavie redakcyja paviedamiła pra pamyłku ŭ svaim «Tvitery», adnak da taho momantu fota ŭžo vyklikała burnuju reakcyju ŭ internecie i chvalu žartaŭlivych kamientaroŭ karystalnikaŭ sacsietak.
«El Nacional vybačajecca pierad čytačami i pierad usimi, chto adčuŭ siabie pakryŭdžanym hetaj publikacyjaj», — havorycca ŭ paviedamleńni na sajcie haziety.
Za apošnija niekalki miesiacaŭ u prahramie Saturday Night Live źjaviŭsia šerah vypuskaŭ z parodyjami na Trampa i jaho atačeńnie.
Sam Tramp ŭ śniežni ŭ svaim «Tvitery» nazvaŭ paradyjnaje šou «niehladzielnym» i adznačyŭ, što parodyja na jaho ŭ vykanańni Bołduina atrymałasia «horš niama kudy», pieradaje Bi-bi-si.