Zmicier Vajciuškievič i Uładzimir Niaklajeŭ prezientavali dysk «U našych snach» — spravazdaču za 10 hod tvorčaj supracy. Siarod 18 zapisaŭ šmat dobra viadomych piesień, a taksama šerah novych zapisaŭ i vieršaŭ. Prezientacyja dyska adbudziecca 4 sakavika na jubilejnym kancercie Vajciuškieviča i Niaklajeva ŭ Vilni.
— Možna skazać, što heta taki zrez za 10 hod. Najlepšyja pieśni z roznych albomaŭ, a taksama toje, što vydavałasia ci stvarałasia pa-za miežami dyskaŭ, — raspaviadaje Źmicier Vajciuškievič. — Ja vyrašyŭ zapisać svaju viersiju pieśni «Hulać dyk hulać», bo pa peŭnaj infarmacyi jaje ŭnieśli ŭ čorny śpis dla vykanańnia navat amatarskimi kalektyvami praz aŭtarstva Uładzimira Prakopaviča. Moj ža asabisty favaryt na dysku — pieśnia «Šalik», bo taksama maju niekalki šalikaŭ ad daŭno minułych ramantyčnych sustreč. Čałavieka ŭ tvaim žyćci ŭžo niama, a šalik voś jon — visić. Vielmi dakładny vobraz.
Zamović kalekcyjny CD «U našych snach» z aŭtohrafami Źmitra Vajciuškieviča i Uładzimira Niaklajeva (z dastaŭkaj pa Biełarusi i pa ŭsim śviecie poštaju) možna praz kramu www.symbal.by.
— U 2001 hodzie Leanid Drańko-Majsiuk prynios mnie dysk «Cacačnaja krama», zapisany Vajciuškievičam na vieršy Drańko-Majsiuka. Nie skažu, što jon mnie nadta hlanuŭsia. Nu, piesieńki jak piesieńki. Taki a-la falkłor. Nie «Pieśniary», karaciej, — uzhadvaje Uładzimir Niaklajeŭ. — Ale potym ja pačuŭ na niejkim kancercie bałady Vajciuškieviča. Znoŭ ža — falkłornyja matyvy. Tolki tam užo i aranžyroŭki, i jakaść padačy materyjału była inšaj. Lepšaj — jak na moj hust. A jašče bolš mnie spadabałasia viernaść temie. Viernaść biełaruskaj pieśni, uvohule biełaruščynie. I ja padumaŭ: hety pryhožy chłopiec, jaki niekali hraŭ u hrupie Kriwi, majoj hrupy kryvi… 15 hadoŭ, jakija praminuli z taje pary, adčuvańnie hetaje tolki paćvierdzili.
4 sakavika ŭ Vilni adbudziecca jubilejny kancert Vajciuškieviča, Niaklajeva i WZ-Orkiestra z prahramaj «Našy kachanyja». Impreza prymierkavanaja da 10-hodździa tvorčaha supracoŭnictva, jakoje pačałosia z alboma «Tanha z ružaj», vydadzienaha naprykancy 2006 hoda.
Apošnija kvitki na sajcie Kvitki.by i ŭ «Teatralnaj kasie» (Minsk, vuł. Kalinina 5, pracoŭnyja dni z 10.00 da 19.00).
Daviedka: (017) 395 05 65, (033) 6 5555 96.
