Alaksandar Milinkievič nakiravaŭsia ŭ Biełastok, kab asabista prysutničać na pracesie nad vydaŭcami hazety biełarusaŭ Polščy «Niva» i vykazać takim čynam staŭleńnie da sudu.
Siońnia ŭ Biełastoku budzie abvieščany vyrak u spravie siabroŭ Prahramnaj rady ci vydaŭcoŭ tydniovika «Niva» – heta viadomyja dziejačy biełaruskaj nacyjanalnaj mienšaści – navukoŭcy, litaratary, vykładčyki.
Prakuratura abvinavačvaje ich u niapravilnym raźmierkavańni budžetnych srodkaŭ z datacyjaŭ na vydańnie «Nivy», ale pryznaje, što nivodzin hroš z hetych datacyjaŭ nia byŭ skradzieny. Vydaŭcy hazety ličać siabie niavinavatymi i havorać, što sprabavali tolki zabiaśpiečyć bieśpierapynny vychad tydniovika.
Prakuror zapatrabavaŭ dla ich roznyja terminy źniavoleńnia ŭmoŭna. Na pracesie buduć prysutničać šerah znanych polskich i biełaruskich palitykaŭ, siarod ich i lider abjadnanych demakratyčnych siłaŭ Alaksandar Milinkievič.
Na mytni Milinkieviča nadhladai cełuju hadzinu, zatrumaŭšy ciahnik na 15 chvilinaŭ, ale ŭrešcie prapuścili.
MB, pavodle infarmacyi Radyjo Svaboda