Padčas impravizavanaj pres-kanfierencyi la raźbitaj mašyny Źmitra Daškieviča žonka Andreja Dundukova raspaviała pra jaho zatrymańnie:
«My z mužam, dziciem i siabram Maksimam S. jechali adpačyvać u Čarnihaŭ i Kijeŭ — heta byŭ padarunak muža na 8 Sakavika. Na biełaruska-ŭkrainskaj miažy nas zatrymali, pratrymali čatyry hadziny, ničoha nie tłumačačy. Potym kanfiskavali mašynu siabra, rečy, kartki, na jakich byli hrošy. Viarnuli tolki toje, što było ŭ maim zaplečniku, i dziciačyja rečy.
Nas pasadzili ŭ słužbovuju mašynu i razam z supracoŭnikami KDB i homielskaha AMAPa pavieźli ŭ Minsk. Tam nam ź dzicionkam vyklikali taksi, a Andreja i Maksima pavieźli, jak skazali, u KDB. Paabiacali ciaham 24 hadzin paviedamić, što ź im. Termin minaje praz paŭtary hadziny — pakul nichto nie telefanavaŭ».
Andrej Dundukoŭ — ratavalnik respublikanskaha atrada śpiecyjalnaha naznačeńnia, praparščyk, zatrymany paśla zajaŭ Alaksandra Łukašenki ab vykryćci «łahiera bajevikoŭ» niedzie ŭ lasach «pamiž Babrujskam i Asipovičami».
