Jašče try hady tamu kiraŭnik kansałtynhavaha ahienctva «Propus» Jaŭhien Skrabutan zachacieŭ stvaryć niešta, što b pryciahnuła ŭ Biełaruś zamiežnikaŭ, zrabiła b krainu bolš pryvabnaj dla turystaŭ. Tady jamu ŭ hałavu i pryjšła nastupnaja ideja: padrychtavać dla haściej kartu, dzie b byli paznačany lubimyja miescy biełarusaŭ — pryhožyja chramy, utulnyja parki, kaviarni sa smačnymi stravami.
«Kali pryjazdžaješ u Varšavu ci Lvoŭ, naprykład, tam na kožnym kroku možna ŭziać kuču kart i bukletaŭ, jakija dapamohuć zaryjentavacca ŭ novym horadzie. U Biełarusi da hetaha času navat Minsk jakasna nie padrychtavany da pryjomu haściej. Paŭnavartasnaha daviednika ab mahčymaściach krainy niama ni ŭ našych infacentrach, ni na zamiežnych sajtach», — kamientuje Jaŭhien.
Chłopiec vynošvaŭ hetuju ideju, šukaŭ adnadumcaŭ, jakija b dapamahli jamu ŭvasobić prajekt. Narešcie, letaś jany sustrelisia. Padabrałasia kamanda z historykaŭ, ekskursavodaŭ i prosta nieabyjakavych ludziej. Stvaralnicaj vizualnaj častki karty stała viadomaja ŭ Breście dyzajnierka i ilustratarka Hanna Jackievič. Zaraz praces stvareńnia mapy nabliziŭsia da finalnaha etapa: na jaje nanosiać kaviarni, miescy adpačynku i kłuby, jakija vielmi lubiać miascovyja žychary i tamu haścinna prapanujuć naviedać ich pryjezdžym. Skončyć spravu płanujuć u kancy krasavika, akurat pierad travieńskimi śviatami.
«U pieršuju čarhu, my skiravany na turystaŭ z Zachadu, tamu robim kartu na polskaj i anhlijskaj movach. My spadziajemsia, što infarmacyja pra toje, što Brest moža stać biaźvizavym horadam dla zamiežnikaŭ, nie tolki čutki. U budučyni, moža być, padrychtujem i biełaruskamoŭnuju viersiju dla tych, chto lubić vandravać pa rodnaj krainie», — tłumačyć Jaŭhien Skrabutan.
Raspaŭsiudžvać papiarovy tyraž karty buduć biaspłatna ŭ hatelach, kaviarniach i inšych papularnych miescach Bresta, a taksama ŭ dypłamatyčnych ustanovach Polščy. Akramia inšaha, infarmacyja stanie dastupnaja ŭ internecie. Stvaralniki mapy ŭličyli, što navakolle chutka źmianiajecca, tamu buduć adnaŭlać jaje źmiest raz na niekalki miesiacaŭ. Kali z bresckim hajdam usio pojdzie, jak treba, dalej entuzijasty voźmucca malavać dapamožnik pa vandroŭkach u Hrodna.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»
