U piatnicu 12 traŭnia da 125-hodździa konki ŭ Minsku zaprašajem na tematyčnuju vandroŭku pa Minsku z historykam i ekskursavodam Paŭłam Karalovym «Šlachami Minskaj konki».
Taksama naviedajem niadaŭna adkryty ŭ našaj stalicy muziej konki, dzie ekskursiju dla praviadzie supracoŭnica muzieja i mahistr mastactvaznaŭstva Maryja Karalova.
Ekskursija adbudziecca bližej da viečaru. Zapis na vandroŭku i ŭsia dadatkovaja infarmacyja pa teł. +375291342804, +375255458430 (Valeryja, z 7.05 pa 09.05 sms).
Padčas vandroŭki my projdziem častku centralnaha maršrutu minskaj konki, jaki składaŭ kala siami kiłamietraŭ.
Pieršy vahončyk na rejkach, zaprežany końmi, źjaviŭsia na vulicach Minska 125 hadoŭ tamu 10 maja 1892 hoda. Źjaŭleńniu konki — pieršaha hramadskaha transpartu ŭ Minsku — sudziejničała čyhunka.
U minskaj konki było try maršruty. Adzin prachodziŭ pamiž Bresckim i Vilenskim vakzałami. Druhi, centralny, prachodziŭ ad Vilenskaha vakzała pa vulicy Pieciarburhskaj (ciapier Leninhradskaj), Kałomienskaj (Śviardłova), vychodziŭ na Zacharjeŭskuju (sučasny praśpiekt Niezaležnaści) i tam na Hubiernatarskaj (Lenina) zavaročvaŭ u bok Sabornaj płoščy. Treciaja linija išła ad Ramanaŭskaj Słabady da Załatoj Horki. Paźniej źjaviłasia jašče adhalinavańnie — da piŭnoha zavoda Frumkinaj, siońnia viadomaha jak «Alivaryja».
A naprykancy vandroŭki vy zmožacie naviedać novy muziej minskaj konki, adčynieny da 950-hodździa Minska. Muziejnaja ekspazicyja padzielenaja na dźvie zały: u pieršaj adnoŭlenaja atmaśfiera minskich vulicaŭ taho času, kali pa horadzie kursiravała konka, a druhaja pryśviečana pracy kantory konnaj čyhunki. U muziei možna budzie navat virtualna «prakacicca» u vahonie konki.
Košt vandroŭki 10 bieł. rub, dla zaŭsiodnikaŭ i dla hrupaŭ ad 4-ch čałaviek sa źnižkaj (pry ŭmovie papiaredniaj apłaty) - 8 bieł. rub. Ale dadatkova apłačvajecca ŭvachod u muziej - 3 bieł. rub. dla darosłych (u tym liku piensijanieraŭ), 2 bieł. rub. - dla studentaŭ, 1 bieł. rub. dla školnikaŭ.
Pryvatnaja kulturna-aśvietnickaja ŭstanova «Kultura rodnaha kraju» UNP 192664818
