24-25 červienia ŭ zaharadnym kompleksie «Dukorski majontak» adbudziecca 9-y mižnarodny open-air fiestyval «KUPALSKAJE KOŁA — 2017».
«Kupalskaje Koła» — adzin ź niešmatlikich biełaruskich fiestyvalaŭ, jakija masava palubilisia prychilnikami rodnaj kultury. Fiestyval pryśviečany staradaŭniamu narodnamu śviatu — Kupallu, prymierkavanamu da dnia letniaha soncastajańnia, kali dasiahajuć najvyšejšaha roskvitu žyvatvorčyja siły ziamli.
U 2017 hodzie fiestyval śviatkuje svajo dziesiacihodździe. Za hety čas «Kupalskaje Koła» pieratvaryłasia z kłubnaha kancerta ŭ maštabny open-air fest, jaki štohod źbiraje tysiačy naviedvalnikaŭ.
Miescam praviadzieńnia fiestyvalu «Kupalskaje Koła — 2017» stanie malaŭničy turystyčny kompleks — «Dukorski majontak». Fiestyval projdzie na terytoryi staradaŭniaj panskaj siadziby, u histaryčnym miescy z masaj niezvyčajnych zabaŭ dla turystaŭ: ujaznaja brama XIX stahodździa, karčma, brovar, ramiesnyja majsterni, dziciačaja «Palana kazak» z «havarkimi» altankami, nievialiki zaapark i viarovačny haradok. Dadatkovym atrakcyjonam fiestyvalu stanie znakamity pierakuleny dom.
Usiaho 30 km ad Minska, kamfortnaja łahistyka, niekalki maršrutaŭ hramadskaha transpartu — dabracca ŭ «Dukorski majontak» budzie zručna kožnamu! Dla naviedvalnikaŭ, jakija pažadajuć zastacca na fiestyvali na 2 dni, prapanujecca namiotavy letnik.
Jak heta było ŭ 2016 hodzie
U 2017 hodzie na scenie «Kupalskaha Koła» vystupiać hurty:
Niejromonach Fieofan (Rasija);
Arkona (Rasija);
Tiń Soncia (Ukraina);
Trołl Hniet Jel (Rasija);
Gods Tower (Biełaruś);
Go_A (Ukraina);
Znich (Biełaruś);
OMUT (Biełaruś);
Massenhinrichtung (Biełaruś);
Re1ikt (Biełaruś);
Kliodna (Biełaruś).
U 2017 hodzie ŭ miežach open-air fiestyvala «Kupalskaje Koła» ŭ kompleksie «Dukorski majontak» haściej i ŭdzielnikaŭ tradycyjna budzie čakać masa atrakcyjnych placovak:
- Kancertnaja placoŭka. Muzyčnyja kalektyvy elektronnaha, fołk, rok i mietał kirunkaŭ. Žyvy huk.
- Horad majstroŭ — ramiesnyja majsterni: kuźnia, hančarnaja majsternia, sałomaplacieńnie, abradavaja lalka, tkactva i h.d.
- Kirmaš: vyraby tradycyjnych ramiesnych majsterniaŭ ručnoj pracy, posud, adzieńnie, upryhožańni, vyraby ź ilnu i h.d.
- Aktyŭnaja placoŭka: futboł, valejboł, viarovačny haradok, praviadzieńnie tradycyjnych kupalskich hulniaŭ.
- Etna-placoŭka: adnaŭleńnie tradycyjnych abradaŭ śviatkavańnia Kupalla, varožby, placieńnie i zapusk viankoŭ pa vadzie, kupalskija vohniščy i h.d.
- Karčma: stravy tradycyjnaj biełaruskaj kuchni, kulinarnyja majstar-kłasy.
- Dziciačaja placoŭka «Palana kazak» z aktyŭnaj placoŭkaj.
- Ekskursija ŭ «pierakuleny dom».
Kvitki na fest «Kupalskaje Koła» možna budzie nabyć u papiarednim prodažy abo pa miescy. Źviartajem vašu ŭvahu, što na hety raz, z ulikam praciahłaj muzyčnaj prahramy z suboty na niadzielu, my prapanujem adziny bilet na dva dni.
Kvitki ad 35 bieł.rub.
Kvitki papiarednie možna nabyć:
- u luboj kasie KVITKI.BY abo tut.
- Rok-krama STUFF (HC «MASKOŬSKA-VIENSKI», 3 pavierch, paviljon 363, pr. Niezaležnaści,58).
- Servis biaspłatnaj dastaŭki firmovych kvitkoŭ «Biehunok» (+375 29 379-47-42).
Košt kvitka ŭ dzień fiestyvalu — 40 bieł. rub.
Dla haściej fiestyvalu z zamiežnych krain prapanujecca pryjemny padarunak — źnižka 50% na ŭvachodny kvitok pry nabyćci ŭ dzień mierapryjemstva!
Taksama dziejničaje karparatyŭnaja prapanova dla kalektyŭnaha naviedvańnia ad arhanizacyj — «Kupalski Ofis»!
Majstry, jakija chočuć paŭdzielničać u kirmašy na fiestyvali «Kupalskaje Koła -2017» pavinny zarehistravacca ŭ dadzienaj ankiecie. Košt udziełu — 40 bieł. rub.
Padrabiaźniej pra mierapryjemstva: tut.
Telefony dla daviedak: +375291419497; +375447721511.
IP Tabolič A.R. UNP 192440619
