Ministr zamiežnych spraŭ Biełarusi Uładzimir Makiej 19 červienia pryniaŭ udzieł u vośmaj štohadovaj sustrečy kiraŭnikoŭ źniešniepalityčnych viedamstvaŭ krain — siabroŭ Jeŭrapiejskaha sajuza i krain — udzielnic inicyjatyvy ES «Uschodniaje partniorstva» ŭ Luksiemburhu pa zaprašeńni vysokaha pradstaŭnika ES pa zamiežnych spravach i palitycy biaśpieki, vice-staršyni Jeŭrapiejskaj kamisii Fiederyki Mahieryni i jeŭrapiejskaha kamisara pa Jeŭrapiejskaj palitycy susiedstva i pieramovach ab pašyreńni ES Jochaniesa Chana, paviedamili BIEŁTA ŭ pres-słužbie MZS.
«Vystupajučy na plenarnym pasiadžeńni ministerskaj sustrečy, Uładzimir Makiej pryvioŭ kankretnyja fakty, jakija paćviardžajuć rezultatyŭnaść palityki ŭzajemadziejańnia pamiž Biełaruśsiu i Jeŭrasajuzam. Zaklikaŭ Brusiel i jeŭrapiejskija stalicy pradoŭžyć liniju na dyjałoh i supracoŭnictva ź Minskam u dvuchbakovym i šmatbakovym farmatach. Sa škadavańniem kanstatavaŭ fakty vyvadu prablem u dvuchbakovych adnosinach ź niekatorymi krainami - siabrami ES na šmatbakovyja placoŭki. U hetym kantekście zhadaŭ pytańnie budaŭnictva Biełaruskaj AES, fakty admovy ŭ dałučeńni Biełarusi da niekatorych kanviencyj Savieta Jeŭropy. Adznačyŭ kontrpraduktyŭnaść vykarystańnia pryncypu salidarnaści ŭ Jeŭrasajuzie dla akazańnia nacisku na trecija krainy», -pie- raskazali ŭ pres-słužbie.
Akramia taho, ministr pryciahnuŭ uvahu ŭdzielnikaŭ mierapryjemstva da idei Biełarusi ab zapusku novaha hłabalnaha miratvorčaha pracesu ŭ metach uzhadnieńnia ŭzajemaprymalnych umoŭ suisnavańnia dziaržaŭ pry naležnym uliku intaresaŭ małych i siarednich krain. Uładzimir Makiej padkreśliŭ važnaść adnaŭleńnia davieru pamiž dziaržavami, a nie stvareńnia novych raździalalnych linij, taksama jon vykazaŭsia na karyść raźvićcia ŭzajemadziejańnia pamiž jeŭrazijskaj i jeŭrapiejskaj intehracyjnymi płatformami.
Kiraŭnik źniešniepalityčnaha viedamstva adznačyŭ metazhodnaść zachavańnia i raźvićcia «Uschodniaha partniorstva» jak inicyjatyvy, nacelenaj na atrymańnie kankretnych praktyčnych vynikaŭ. U suviazi z hetym jon vykazaŭ šerah prapanoŭ biełaruskaha boku dla ich uliku pry padrychtoŭcy da samitu «Uschodniaha partniorstva» ŭ Brusieli 24 listapada 2017 hoda.
Kiraŭnik MZS Biełarusi pryniaŭ taksama ŭdzieł u asobnaj sustrečy kiraŭnikoŭ delehacyj krain - udzielnic «Uschodniaha partniorstva» ź Fiederykaj Mahieryni i Jochaniesam Chanam. Asnoŭnaja ŭvaha na mierapryjemstvie ŭdzielena abmierkavańniu vajenna-palityčnaj situacyi ŭ rehijonie, tematycy procidziejańnia hłabalnym pahrozam, uklučajučy teraryzm, kibierzłačynnaść i klimatyčnyja źmianieńni.
Uładzimir Makiej pravioŭ taksama šerah rabočych sustreč z kiraŭnictvam jeŭrapiejskich struktur i ministerstvaŭ zamiežnych spraŭ krain — siabroŭ ES i krain — udzielnic «Uschodniaha partniorstva».
