«Naša meta — pravieści radykalnuju transfarmacyju technałohij fiederalnaha ŭrada, jakaja zabiaśpiečyć značna bolš jakasnyja pasłuhi dla hramadzian. Uradu treba dahnać technałahičnuju revalucyju», — skazaŭ prezident ZŠA.
Staršynia techničnaj rady Džared Kušnier adznačyŭ, što ŭ niekatorych dziaržustanovach ZŠA, u tym liku ŭ Ministerstvie abarony, pa-raniejšamu vykarystoŭvajucca dyskiety.
Ź im pahadziŭsia kiraŭnik Apple Cim Kuk, jaki zajaviŭ pra adstałaść amierykanskaha ŭrada ŭ pytańniach technałohij. «U ZŠA maje być samy sučasny ŭrad u śviecie. Pakul heta nie tak», - skazaŭ Kuk.
Jak padkreśliŭ kiraŭnik Amazon Džef Biezas, jon by chacieŭ, kab administracyja Trampa vykarystała kamiercyjnyja dastupnyja technałohii, mašynnaje navučańnie i štučny intelekt.
Na sustrečy kiraŭnik Apple padniaŭ pytańnie ab spraščeńni pracedury atrymańnia amierykanskaj vizy dla vysokakvalifikavanych śpiecyjalistaŭ ź inšych krain.
Techničnaja rada była sfarmavanaja ŭkazam prezidenta ZŠA Donalda Trampa ad 1 maja. Jaho staršynioj pryznačany Džared Kušnier — staršy daradca kiraŭnika Biełaha doma i pa sumiaščalnictvie muž Ivanki Tramp. Metaj rady abvieščanyja «pieraŭtvareńnie i madernizacyja» dziaržaŭnych ličbavych pasłuh.