Sprečki pra los pustak u mikrarajonach Dzieviatoŭka i Alšanka ŭ Hrodnie pačalisia adrazu ž, jak ŭłady anansavali hramadskaje abmierkavańnie pa pytańni budaŭnictva tam damoŭ dla lhotnikaŭ zamiest praduhledžanych hienpłanam škoły i palikliniki.
Pryčyna — šmatlikija zvaroty pradpryjemstvaŭ i arhanizacyj horada ab žadańni ich rabotnikaŭ, jakija majuć patrebu ŭ palapšeńni žyllovych umoŭ, udzielničać u budaŭnictvie žylla biez pryciahnieńnia lhotnych kredytaŭ. Dla taho. kab zadavolić hetyja zajaŭki, nieabchodna pabudavać dastupnaje pa canie žyllo ŭ mikrarajonach z raźvitymi inžyniernymi sietkami. Dla hetaha prapanujecca vykarystoŭvać pustujučyja plamy ŭ isnujučych žyłych mikrarajonach horada. Pra padrabiaznaści prablemy piša Błoh Hrodna s13 >>>.
Z 12 červienia pačaŭsia aficyjny zbor mierkavańniaŭ u Hrodzienskim harvykankamie. Hramadskaje abmierkavańnie skončycca 6 lipienia, paśla čaho ŭłady vyniesuć svajo rašeńnie.
Žychary Alšanki pačali zbor podpisaŭ pad kalektyŭnym zvarotam, stvaryli elektronnuju pietycyju ŭ adras administracyi horada, nakiravanuju na rašeńnie prablem mikrarajona, i prosiać nieabyjakavych dałučycca.