Dola realizacyi ałkaholnaj pradukcyi ŭ studzieni—lipieni 2008 hoda ŭ ahulnym ab\iomie roźničnaha tavaraabarotu skłała 13 %, paviedamili ŭ Ministerstvie statystyki i analizu Biełarusi.
Na spažyvieckim rynku realizavana ałkaholnaj pradukcyi i piva na 2,5 trłn. rubloŭ. Abjom prodažu harełki pavialičyŭsia na 5,1 % i skłaŭ 6 młn. 127,8 tys. dał. Jaje dola ŭ ahulnym abjomie ŭžyvańnia — 46 %. Piva pradadziena 14 młn. 265,9 tys. dał, što na 22,1 % bolš, čym za adpaviedny pieryjad minułaha hoda (10,7 %).
Likiora-harełačnych vyrabaŭ realizavana 594,6 tys. dał (na 11,9 % bolš), vinahradnych vinaŭ — 1 młn. 428,4 tys. dał (na 2,3 % bolš), pładovych vinaŭ — 9 młn. 801,8 tys. dał (na 10,9 % mienš). Tym nie mienš hety napoj składaje 33,1% u abjomie prodažu ałkaholnaj pradukcyi (u studzieni—lipieni 2007 hoda — 37,6 %).
Kańjaku i brendzi pradadziena 143,1 tys. dał (na 7,4 % bolš), pienistnych vinaŭ i šampanskaha — 577,2 tys. dał (na 9,3 % bolš), słabaałkaholnych napojaŭ — 754,6 tys. dał (na 6,1 % bolš).
