1. Robobuilder 5720T
Hety maleńki robat vyšynioj 30 sm naŭrad ci dapamoža vam u surjoznaj spravie, bo jon stvorany ŭ adukacyjnych i zabaŭlalnych metach. U kamplekcie da robata iduć 16 pryvadnych modulaŭ i šmat inšych drobiaziej nakštałt śvietadyjodaŭ. Ustalavaŭšy na smartfon śpiecyjalny dadatak, možna prahramavać robata vykonvać roznyja dziejańni, tym samym pašyrajučy svoj dośvied stvareńnia ałharytmaŭ.
2. UXA90
Hety chłopiec vyšynioj adzin mietr užo kudy cikaviejšy dla robatabudaŭnikoŭ z dośviedam. Mašyna maje ŭbudavany kampjutar i davoli cikavyja funcyi, takija jak zachavańnie raŭnavahi pry dapamozie ŭbudavanaha hiraskopa i mahčymaść trymać pradmiety ŭ svaich vierchnich kaniečnaściach. Jon navat moža zhulać z vami ŭ miač i ŭvohule rabić usio, na što vy zdolnyja jaho zaprahramavać.
3. Nao
Hety simpatyčny robat byŭ stvorany ŭ Francyi. Najnoŭšaja jaho viersija, Nao Next Gen, źjaviłasia ŭ śniežni 2011 hoda. Maje rost 58 sm i šyroka vykarystoŭvajecca ŭ roznych navučalnych ustanovach śvietu ŭ jakaści adnaho z najbolš sučasnych prahramujemych robataŭ. Hety robat zdolny razmaŭlać z vami na niekalkich dziasiatkach movaŭ, a kali jaho pahładzić, abaviazkova padziakuje vam, bo maje šmat siensaraŭ na svajoj pavierchni.
4. Asimo
Kali papiarednija robaty adnosilisia da kłasu prahramujemych mašyn, heta značyć zdolnych vykonvać tolki vašuju prahramu, robat Asimo, jaki raspracoŭvajecca kancernam Honda, źjaŭlajecca ŭžo samym sapraŭdnym robatam-androidam. Robaty-androidy, abo robaty-humanoidy, — sintetyčnyja arhanizmy, jakija pryznačanyja dla taho, kab vyhladać i dziejničać jak ludzi. Asima moža chadzić, biehać, vykonvać pracy pa haspadarcy, prynosić vam kavu… Voś tolki kupić vy jaho nie zmožacie, bo kampanija Honda jaho nie pradaje.
5. Valkyrie
Nazva robata ŭziata sa skandynaŭskaje mifałohii. Jak paviedamlajecca na sajcie ahienctva NASA, jakoje stvaryła Valkiryju, humanoid pryznačany, kab być nadziejnym, tryvałym, całkam čałaviekapadobnym robatam, zdolnym pracavać u inžyniernym asiarodździ. Jon moža pracavać ad batarei hadzinu (što šmat), maje 44 stupieni svabody, moža viarcieć hałavoju, tułavam, i zdolny dapamahać u nadzvyčajnych stanoviščach. Asobna navukoŭcami raspracoŭvałasia śpiecyjalnaja ełastyčnaja «vopratka», jakaja nadaje robatu jak maha bolš volnaści ruchaŭ.
Čytajcie taksama: «Razumnaja kałonka vyklikała palicyju padčas siamiejnaj svarki»
