Niejmar uzhadniŭ kantrakt z kłubam «Pary Sien-Žermien», paviedamlaje Goal.com. Pavodle infarmacyi vydańnia, pahadnieńnie brazilskaha forvarda z francuzskim kłubam budzie raźličana na piać hadoŭ. Zarobak 25-hadovaha forvarda składzie €30 młn za siezon paśla vyliku padatkaŭ. Ź ich 15% budzie pieraličvacca na rachunak baćki futbalista Niejmara da Siłvy.
Taksama «PSŽ» hatovy zapłacić adnamu ź lideraŭ «Barsiełony» padpisny bonus pamieram €40 młn. Niejmar budzie atrymlivać adličeńni ad abarotu niekalkich haścinic, jakija naležać uładalnikam francuzskaha kłuba. Dla pajezdak u Braziliju napadajučy zmoža karystacca pryvatnym samalotam, jaki pradastavić «Pary Sien-Žermien».
Raniej Sport.es paviedamlaŭ, što «PSŽ» maje namier aformić tranśfier Niejmara da sierady. Francuzy płanujuć aktyvavać opcyju vykupu futbalista za € 222 młn, prapisanuju ŭ jaho kantrakcie z «Barsiełonaj».
