Bliźniatki, jakija zrabili mnostva adnolkavych płastyčnych apieracyj na 250 tysiač dalaraŭ, užo raniej raskazvali pra toje, što dzielać łožak z adnym kachanym mužčynam, ź jakim chočuć uzakonić adnosiny. Ciapier jany majuć namier dziejničać dalej i adnačasova ad jaho zaciažaryć.
Zachacieć — heta adno, ale voś jak prakrucić heta z čysta fizijałahičnaha punktu hledžańnia? Hetym pytańniem siostry zakłapočanyja najbolš. Dumka pra toje, što adna zdoleje zaciažaryć, a druhaja nie, i ŭsio heta adbudziecca nie adnačasova, pryvodzić siaścior u rospač. Adnak jany razumiejuć, što heta pryroda i prakantralavać hety praces praktyčna niemahčyma.
Akramia taho, u Hanny, Lusi i ich znajomych uźnikaje mnostva inšych pytańniaŭ: kim buduć prychodzicca novanarodžanyja adno adnamu, ci buduć jany vyhladać adnolkava. Siostry majuć namier zavieści dziaciej niahledziačy ni na što, jany navat razhladajuć varyjanty sa štučnym apładnieńniem.
Siostry raspaviali vydańniu Daily Mail pryčynu, pa jakoj jany chočuć zaciažaryć razam. Abiedźvie jany pryvykli, što ich cieły vyhladajuć adnolkava, i navat u hety pieryjad žyćcia jany prosta nie mohuć adroźnivacca adna ad adnoj. Jany vielmi blizkija duchoŭna, tamu chočuć pieražyć hety dośvied razam.
Dziaŭčaty sutyknulisia z šyrokaj krytykaj na svoj adras z nahody taho, što jany žyvuć utroch, z adnym mužčynam, adnak siostram na heta naplavać. «Heta naša žyćcio, heta našy cieły, i my robim toje, što nam chočacca i što my ličym patrebnym», — kažuć jany.
