Było vyrašana pakul jamu pad harodninu nie zalivać bietonam, jak heta płanavałasia pieršapačatkova. Na miesca prybuduć śpiecyjalisty, jakija praviaduć raskopki.
Pa słovach Kuźmina, reštki mamantaŭ na Urale ŭ vyhladzie frahmientaŭ — źjava nie redkaja, ale hetaja znachodka ŭnikalnaja. «Areał raspaŭsiudžvańnia mamantaŭ na Urale ŭ plejstacenie byŭ dosyć vialikim. Unikalnaść znachodki zaklučajecca ŭ tym, što jana vyjaŭlenaja nie ŭ pojmie raki, a ŭ hruncie, što dazvalaje vykazać zdahadku, što znojdzieny mienavita škilet, a nie razroźnienyja frahmienty, paniesienyja płyńniu raki ź pieršapačatkovaha miesca hibieli mamanta».
Mamanty źjavilisia kala 2 miljonaŭ hadoŭ tamu, a vymierli 5-10 tysiač hadoŭ tamu. Ich rost dasiahaŭ 5,5 mietraŭ, a masa cieła — 10-12 ton: jany byli ŭ dva razy ciažejšyja za samych bujnych sučasnych naziemnych sysunoŭ — afrykanskich słanoŭ. Pryčynaj ich vymirańnia čaściej za ŭsio nazyvajuć źmianieńnie klimatu — kaniec apošniaha ledavikovaha pieryjadu.
