Hramadzianam jašče 10 krain možna budzie atrymać francuzskija turystyčnyja vizy ŭsiaho za dva dni. Jak paviedamlaje RFI, častkova novaŭviadzieńnie ŭstupić u siłu paśla letniaha siezonu, z 1 listapada 2017 hoda.
Adznačajecca, što padobnaja miera dazvolić Francyi zastavacca adnym z samych papularnych turystyčnych kirunkaŭ u śviecie.
U śpis turystaŭ, jakija zmohuć skarystacca pryvilejem, uvojduć hramadzianie Rasii, Birmy, Indyi, Indaniezii, Kambodžy, Łaosa, Tajłanda i Filipinaŭ. U 2018 hodzie da ich dałučacca hramadzianie Vjetnama i Saudaŭskaj Aravii.
Raniej Francyja ŭžo vydavała za dva dni turystyčnyja vizy dla hramadzian Kitaja, Sinhapura, PAR, Katara, Kuviejta, Bachrejna, Amana i Turcyi.
Ułady Francyi płanujuć pryciahnuć 100 młn zamiežnych turystaŭ u 2020 hodzie i pry hetym padoŭžyć termin znachodžańnia turystaŭ u krainie. Zhodna z raźlikami, štohadovy dachod ad mižnarodnaha turyzmu ŭ 2020 hodzie moža skłaści da 50 młrd jeŭra.
Terakty ŭ Paryžy i Nicy paŭpłyvali na kolkaść turystaŭ, žadajučych adpačyvać u Francyi. Adnak letaś Francyja zastałasia samym papularnym kirunkam u śviecie, pryniaŭšy 83 młn zamiežnych turystaŭ.
