Paŭnočnaja Kareja praviała jašče adzin zapusk mižkantynientalnaj balistyčnaj rakiety, paviedamiŭ premjer-ministr Japonii Sindza Abe.
Rakieta była zapuščanaja ŭ 23:41 pa paŭnočnakarejskim časie (15:41 pa Hrynvičy) z pravincyi Čahanda na poŭnačy krainy, paviedamlaje VVS sa spasyłkaj na paŭdniovakarejskaje ahienctva Yonhap.
U pačatku lipienia Pchieńjan zajaviŭ, što ŭpieršyniu pravioŭ vyprabavańni mižkantynientalnaj balistyčnaj rakiety (MBR).
Pa słovach hałoŭnaha sakratara kabinieta ministraŭ Japonii Josichide Suha, ciapierašniaja rakieta lacieła kala 45 chvilin — daŭžej, čym MBR, pratestavanaja raniej.
Suha paviedamiŭ, što jana ŭpała ŭ mory, u vyklučnaj ekanamičnaj zonie Japonii, ale nie ŭ terytaryjalnych vodach krainy.
Hety zapusk staŭ čarhovym u sieryi vyprabavańniaŭ, praviedzienych nasupierak rezalucyi AAN. Heta ŭžo čatyrnaccataje vyprabavańnie, praviedzienaje Paŭnočnaj Karejaj u 2017 hodzie.
Prezident Paŭdniovaj Karei Mun Džein sklikaŭ ekstrannaje pasiadžeńnie savieta biaśpieki, pieradaje Yonhap.
Niahledziačy na vyprabavańni, ekśpierty miarkujuć, što Pchieńjan ŭsio jašče nie vałodaje technałohijami pa stvareńni jadziernaj bojehałoŭki, jakoj možna było b abstalavać rakietu dalokaha dziejańnia takim čynam, kab jana dasiahnuła celi.
