Časopis Air&Cosmos u artykule «Ad PAK FA da Su-57» raskryŭ cikavyja padrabiaznaści ŭ dačynieńni da najnoŭšaha rasijskaha źniščalnika piataha pakaleńnia PAK FA. Pierakład materyjału apublikavaŭ vajenny błoh «Centra analizu i ctratehij», piša Tut.by.
Reuters
Vydańnie piša, što PAK FA atrymaŭ aficyjnuju nazvu Su-57. Pavodle danych vydańnia, abjomy jaho vytvorčaści vyrašyli źnizić. Pryčynaj tamu stała ŭnutranaja kankurencyja pamiž źniščalnikami pakaleńnia 4+, u pieršuju čarhu, Su-35, čyj patencyjał supastaŭny z Su-57, za vyklučeńniem pakazčykaŭ małaprykmietnaści.
Časopis adznačaje, što «źniščalniki Su-35 pakaleńnia 4+, pa słovach vajennych lotčykaŭ, prademanstravali vielmi dobryja charaktarystyki» i ministerstva abarony Rasii ŭžo zamoviła ahułam 98 Su-35S i 116 Su-30SM.
Taksama aŭtary zhadali ab avaryjach, jakija zdarylisia z vopytnymi ŭzorami PAK FA. Naprykład, u pieršych pratatypaŭ T-50 ŭtvaralisia raskoliny ŭ kanstrukcyi fiuzielaža. U chodzie sałona MAKS-2011 druhi lotny pratatyp T-50−2 staŭ achviaraj pampažu ŭ kampresary ruchavika padčas ŭźlotu. Za samalotam ciahnuŭsia snop połymia daŭžynioj niekalki mietraŭ, i piłot spyniŭ uźlot. Piaty lotny pratatyp T-50−5 zahareŭsia na ŭźlotnaj pałasie 10 červienia 2014 hoda paśla pasadki ŭ chodzie demanstracyi indyjskaj delehacyi.
