Bujnyja hrupoŭki, zaniatyja zdabyčaj bitkojnaŭ, nie zmahli pryjści da ahulnaha rašeńnia, jakoje zachavała b adzinuju kryptavalutu. Takim čynam, bitkojn padzialiŭsia na dźvie častki: bitcoin i bitcoin cash, piša Tut.by.
«Padobna na toje, što jość niekatoryja techničnyja prablemy, jakija mahli zapavolić praces, ale tak, adbyŭsia fork (padzieł na dźvie haliny)», — paviedamiŭ Business Insider Piter Baravych z kampanii Blockchain Global.
Prychilniki bitcoin cash ličać, što heta «ŭdychnie novaje žyćcio» ŭ bitkojn i dapamoža vyrašyć niekatoryja prablemy: naprykład, nizkaj chutkaści tranzakcyj.
Nahadajem, kampanii nie mohuć pryjści da adzinaha mierkavańnia nakont praviłaŭ šyfravańnia. Z adnaho boku, u hetaj «vajny» jość tak zvanyja raspracoŭščyki, jakija vystupajuć za mienšyja błoki bitkojnaŭ, kab abaranić sieciva ad chakierskich napadaŭ. Ź inšaha boku, jość majniery, jakija chočuć pavialičyć pamier błokaŭ i pieratvaryć sistemu ŭ bolš chutkuju i maštabavanuju.
