Najstarejšy ŭ śviecie mužčyna pamior u izrailskim horadzie Chajfie va ŭzroście 113 hadoŭ. Pra heta paviedamlaje The Haaretz.
Israel Krystał (Kryštal) naradziŭsia ŭ Žarnuvie (kala Łodzi, tady Rasijskaja impieryja) u vieraśni 1903 hoda.
Israel pracavaŭ na siamiejnaj kandytarskaj fabrycy. U 1940 hodzie, jon razam z astatnimi habrejami byŭ źmieščany ŭ hieta, ale i tam praciahvaŭ trymać łavu prysmakaŭ. Mahčyma, cukierki i šakaład vyratavali jamu žyćcio. Paźniej jon uspaminaŭ: hieta puścieła, jaho susiedziaŭ adpraŭlali ŭ kancłahiery, a jon ź siamjoj zastavaŭsia ŭ kramie. Niemcam padabalisia jaho prysmaki, i jany nabivali samymi lepšymi cukierkami svaje kišeni, piša newsru.co.il.
Ale ŭ 1944 hodzie, kali byŭ atrymany zahad likvidavać hieta, dzieci Israela Kryštala byli zabityja, a jon razam z žonkaj byŭ adpraŭleny ŭ Aśviencim. U 1945 hodzie, paśla vyzvaleńnia z kancłahiera, jon daviedaŭsia, što jaho žonka zahinuła, a sam Israel važyŭ 33 kiłahramy.
Viarnuŭsia ŭ Łodź, ažaniŭsia druhi raz, a ŭ 1950-m pierajechaŭ u Izrail, dzie praciahnuŭ spravu, jakoj zarablaŭ da vajny — vytvorčaściu cukierak.
Paśla śmierci japonca Jasutara Kaide ŭ 2016 hodzie Krystał va ŭzroście 112 hadoŭ byŭ pryznany samym starym u śviecie mužčynam.
