U Viciebsku akruhovaja kamisija admoviłasia drukavać ulotku kandydata ŭ deputaty ad Abjadnanych demakratyčnych sił Taćciany Sieviaryniec. Siabram kamisii nie spadabałasia toje, što jana była napisanaja na «taraškievicy».
Jak paviedamiła Racyi Taćciana Sieviaryniec, ranicaj da jaje patelefanavali z akruhovaj kamisii i pviedamili, što nie mohuć nadrukavać jaje ahitacyjnuju ŭlotku tamu što jana napisanaja na «niejkaj nie zrazumiełaj movie».
Vyśvietliłasia, što siabry kamisii pad niezrazumiełaj movaj mieli na ŭvazie «taraškievicu», jakuju, zhodna ź niadaŭna pryniatym zakonam, nielha budzie vykarystoŭvać z nastupnaha hoda.
Voś što raspaviała Racyi Taćciana Sieviaryniec:
‑ Jany kažuć, što niejkaja mova niezrazumiełaja. Ale ja im patłumačyła, što heta mova, na jakoj drukujecca hazieta «Naša niva», na jakoj ja pišu pa‑biełarusku. I jakaja nie zabaronienaja.
U vyniku baki pryjšli da zhody, što ŭlotka budzie nadrukavanaja na «narkamaŭcy». Zdajecca, ŭ spravie možna było pastavić kropku. Adnak tut siabry kamisii ŭvažliva aznajomilisia za źmiestam ulotki, i pierapałochalisia jašče bolš. Pavodle Taćciany Sieviaryniec, u zvarocie da vybarščykaŭ jana ŭźniała pytańni, jakija, na jaje dumku, najbolš chvalujuć biełarusaŭ. A hałoŭnaja ź ich — zhubleńnie maralnych aryjentyraŭ. Va ŭlotcy pryvodziacca dadzienyja statystyki, zhodna ja jakimi Biełaruś znachodzchicca na adnym ź pieršych miescaŭ u śviecie pa kolkaści samahubstvaŭ, a kožny treci šlub u krainie —raspadajecca.
Pakul kamisija dakładna tak i adkazała — ci budzie jana drukavać ulotku kandydata ŭ deputaty Taćciany Sieviaryniec. Sama e pretendentka ź nieciarpieńniem čakaje, ci paažuć siońnia ŭviečary jaje televizijny vystup, jaki taksama byŭ vielmi krytyčny ŭ adnosinach da ŭłady.
