Debiutny dysk ad adnaho z samych cikavych fołk‑prajektaŭ apošnich hadoŭ. «Džambibum» robić staŭku na naturalnaść hučańnia dy naŭmyśla abychodzić uvahaju zdabytki inšych pradstaŭnikoŭ biełaruskaha fołk‑madernu.
Pry ŭsioj šmatstajnaści instrumentaŭ (skład hurta siahaje 10—12 čałaviek!) u pieśniach aničoha lišniaha. Hety «fołk‑arkiestar» sapraŭdy zdolny ŭvieści słuchača ŭ trans (pieramotvajcie na siaredzinu pieśni «Stuknuła‑hruknuła»).
Padobna, što instrumentalnaj častcy «džambimbumaŭcy» nadajuć asnoŭnuju ŭvahu — praktyčna ŭ kožnym ich tvory možna pačuć doŭhija instrumentalnyja vodstupy, dzie muzyki dajuć volu emocyjam. Zroblena ŭsio lohka i nienaviaźliva, a časam z žartaŭlivym adcieńniem («Piesieńka pra Kazła» na rehi‑manier), tamu i słuchać hety albom jak minimum pryjemna.
