Raśsielhasnahlad vyjaviŭ niedachopy dziaržaŭnaha veterynarnaha kantrolu pry vytvorčaści pradukcyi žyviolnaha pachodžańnia.
Rasiejskija inspektary sumiesna z pradstaŭnikami biełaruskich vetsłužbaŭ pravieryli ŭ žniŭni 35 biełaruskich pradpryjemstvaŭ. U vyniku, jak paviedamlajecca na aficyjnym sajcie Raśsielhasnahladu, byli vyjaŭlenyja niedachopy dziaržaŭnaha veterynarnaha kantrolu pry vytvorčaści pradukcyi žyviolnaha pachodžańnia. Na dumku rasiejskaha boku, heta śviedčyć pra farmalny padychod biełarusaŭ pry rekamendacyi pradpryjemstvaŭ na atrymańnie prava pastavak pradukcyi ŭ Rasieju i harantavańni ich stałaha kantrolu z boku biełaruskaj vetsłužby.
Ź 1 kastryčnika takoha prava pazbaviacca pradpryjemstvy «Starfud», «Parnior i K», «Plemptuškarepraduktar «Jubilejny», filijał AAT «Hrodnachlebapradukt», a taksama filijał «Sievaluks-Ahra» SZAT «Siervaluks». U śpis pastaŭščykoŭ nie patrapili «Smalavickaja brojlernaja ptuškafabryka» dy ŭzorna-pakazalny SVK «Prahres-Vierciališki».
0
0
0
0
0
0
