Dziejsnaje staršynstva Jeŭraźviaza, najmia Francyja, vykazała ŭ aŭtorak zakłapočanaść u suviazi z vynikami parłamienckich vybaraŭ u Biełarusi paśla taho, jak ABSIE nazvała ich niedemakratyčnymi, paviedamlaje ahienctva Frans Pres sa spasyłkaj na zajavu Jeŭraźviaza.
Acenki ABSIE «vyklikajuć zakłapočanaść» staršynstva ES, «jakoje zaklikaje biełaruskija ŭłady prykłaści vysiłki, kab adpaviadać mižnarodnym demakratyčnym standartam», havorycca ŭ dakumiencie.
Misija naziralnikaŭ BDIPČ ABSIE nie pryznała «parłamienckija vybary» u Biełarusi svabodnymi i demakratyčnymi. Naziralnikami ABSIE adznačanyja «drenny i niezdavalniajučy» praces padliku hałasoŭ u 48 % vypadkaŭ. 35 % naziralnikaŭ zusim nie dapuścili da pracesu padliku hałasoŭ. Naziralnikami ABSIE zafiksavanyja vypadki vidvočnych falsifikacyjaŭ.
