Rastuć žuraviny na bałotach. Dla mianie šlach pa jahady vydaŭsia nialohki — ad darohi, dzie my kinuli mašynu, da miesca, dzie rastuć žuraviny, išli bolš za hadzinu. U humovych botach, pa vadzie. Zatrymaješsia na chvilinku — bahna ciahnie ŭniz. Pakul vyprastaješ adnu nahu, druhaja ŭžo ŭ bałocie.
Žančyny ź vioski Borki chodziać pa žuraviny amal štodnia, ad vieraśnia da pieršaha śniehu. Nabirajuć pa 20, a niekatoryja navat pa 40 kiłahramaŭ za raz. Zatym zdajuć jahady, u vioscy jość narychtoŭčy punkt. Chto maje siły, viazie na prodaž u bujnyja harady — u Miensku na Kamaroŭcy kiłahram jahady kaštuje ad 3500 da 5000 rubloŭ.
Praca nadzvyčaj ciažkaja, ale jak žyć, kali piensija 200-300 tysiačaŭ?
