Nasta Pałažanka, Kasia Halickaja i Taciana Šapućka 14 studzienia padali zajaŭku ŭ Minharvykankam na praviadzieńnie tradycyjnaj štohadovaj vuličnaj akcyi, prymierkavanaj da Dnia śviatoha Valancina 14 lutaha.
Sioleta mierapryjemstva zapłanavanaje krychu pa inšym maršrucie: zbor a 18:00 na płoščy Jakuba Kołasa, potym šeście praśpiektam da Kastryčnickaj płoščy i kančatkovym punktam prahramy musić stać plac Voli. Pa słovach lidera «Maładoha frontu» Źmitra Daškieviča, na płoščy Jakuba Kołasa musić adbycca nievialiki pierformiens, a kala ratušy kancert z udziełam rok‑muzykaŭ i vykanaŭcaŭ archaičnych śpievaŭ.
Daškievič kaža, što ŭ arhanizataraŭ niama iluzij nakont taho, ci daść ułada dazvoł na praviadzieńnie akcyi. U lubym vypadku mierapryjemstva projdzie pa zapłanavanym maršrucie.
Tym časam u internecie pačaŭ pracu sajt, pryśviečany hetaj akcyi. «Małady front» taksama napiaredadni płanuje pravieści kanfierencyju z udziełam palitykaŭ, litarataraŭ, śviataroŭ.
U arhkamitet pa praviadzieńni šeścia na Dzień śviatoha Valancina ŭvajšli takija viadomyja asoby, jak Alaksandr Milinkievič, Pavieł Sieviaryniec, Uładzimir Arłoŭ.
Fota Julii Daraškievič
0
0
0
0
0
0
