Arciom Dubski. Fota Julii Daraškievič.
Hladzi taksama fotarepartaž Julii Daraškievič z sudu nad Arciomam Dubskim
13:41 Akcyja padtrymki skončyłasia, raściažki zhornutyja. Usie iduć u centr horadu.
13:28 Viarnuŭsia Sieviaryniec, jamu skazali, što Dubski zatrymany i znachodzicca izalatary. U trochdzionny termin prakuror pavinien vyznačyć mieru strymańnia (chatni aryšt, ci ŭtrymańnie ŭ izalatary). Siońnia ź im pavinien sustrecca śledčy. Baćkam dazvolili jamu pieradać rečy.
Moładź kryčyć: "Svabodu Dubskamu". Milicyjanty zdymajuć na mabilniki, pierapytvajuć: "A kolki vam dali čyrvoncaŭ, kab vy pryjechali siudy?".
13:20 Paplečniki Arcioma i žurnalisty padyšli da budynku RUUSa. RUUS i izalatar znachodziacca na adnoj vulicy, praz darohu ŭ tupiku. Milicyja pieraharadziła darohu, stać z aŭtamatami i ŭ broniekamizelkach. Nikoha nie prapuskajuć.
Dzie zaraz Arciom nieviadoma, maci jaho pajšła ŭ izalatar, Pavieł Sieviaryniec u RUUS.
Paplečniki raściahnuli raściažku: "Svabodu Dubskamu".
13:01 Sprava pra sim-kartu spyniena. skazaŭ sudździa, i Dubski vyzvalajecca. Ale litaralna praz chvilinu Arcioma pavieźli ŭ RUUS, kab vybrać mieru strymańnia pavodle novaj kryminalnaj spravy pa art. 415 (Uchileńnie ad adbyvańnia pakarańnia ŭ vyhladzie abmiežavańnia voli). Chłopcu pavodle jaje pahražaje ad šaści miesiacaŭ da troch hadoŭ turmy.
11:41 Abvieščany pierapynak.
Arciom Dubski nie admaŭlaje taho. što vykarystoŭvaŭ sim-kartu. Ale jon kaža pra toje, što sim-kartu prynios Rusłan Čarapko. Čarapko taksama hetaha nie admaŭlaje, kaža, što znajšoŭ sim-kartu na vakzale. Potym maładyja ludzi pajšli da pastara Ernsta Sabiły, dzie ŭvajšli ŭ interniet. Ale Arciom nastojvaje na tym, što u toj dzień jany byli ŭ Interniecie da 17-j hadziny, a zhodna ź milicejskimi pratakołami ŭ Interniecie siadzieli da 5-j ranicy.
11:31 Julija Vasiljeva prosić spynić kryminalnuju spravu suprać Arcioma Dubskaha ŭ suviazi z prymireńniem. Stała viadoma, što maci Dubskaha pakryła joj uron u
pamiery 2,6 młn. rub10:39 Čeroŭka ŭ svoj čas taksama prachodziŭpavodle kryminalnaj spravy, ale jany była spyniena pa prymireńni bakoŭ.
10:21 Pačałosia vyvučeńnie piśmovych materyjałaŭ.
10:14 Pad voknami prachodzić akcyja, udzielniki skandujuć: Uładu narodu - moładzi svabodu. Dapytvajuć Čarapko.
10:03 Z paciarpiełaj Vasiljevaj Dubski vučyŭsia ŭ licei. Paciarpiełaja kaža, što simku prynios Čarapko, ale «jon ničoha nie razumieje», tamu vinavaty Dubski.
9:52 Arciom kaža, što davaŭ pakazańni pad ciskam milicyi, chacia viny jon nidzie nie pryznavaŭ.
9:48 Dubski pryznaje, što vychodziŭ z mabilnika ŭ Interniet, ale simku jamu prynios Čarapko (jaho były siabra, jakoha potym nie raz vykarystoŭvała BT) i jon nie mieŭ ujaŭleńnia, što jana kradzienaja.
9.33 Sudziać za historyju z mabilnikam (art. 216-1). Arcioma vinavaciać u tym, što jon vykarystaŭ čužuju sim-kartu, kab uvajści ŭ Interniet, čym nanios ctraty ŭładalniku. .
Tym nie mienš paciarpiełaja śćviardžaje, što Dubski nanios jon uron na 5 młn rubloŭ.
* * *
U haradskim sudzie ŭ Asipovičach pačaŭsia razhlad kryminalnaj spravy Arcioma Dubskaha.
U hetym sudzie ŭsiaho dźvie zały. Sud prachodzić u mienšaj zale. Na praces pryjšło 25 čałaviek. Usich zapuścili ŭ zału. Dazvalajuć zdymać, jość i zdymačnaja hrupa BT.
Arciom siadzić u kletcy. Pryjechali ź Minska lidery moładzievaha ruchu Pavał Sieviaryniec, Źmicier Daškievič, pradprymalnickaha ruchu Aleś Makajeŭ, jość Viačasłaŭ Siŭčyk. Jość pradstaŭniki amierykanskaha pasolstva.
* * *
Arcioma Dubskaha atrymali 13 lutaha ŭ Homieli, kali jon jechaŭ z Rasii ŭ Minsk dla ŭdziełu ŭ vuličnaj akcyi na Dzień śviatoha Valancina. Da sudu jon znachodziŭsia ŭ Babrujskim SIZA.
U krasaviku letaś Arcioma ŭ ramkach «Pracesu čatyrnaccaci» asudzili na dva hady abmiežavańnia voli biez nakiravańnia ŭ miescy adbyćcia pakarańnia. Potym u kastryčniku suprać Arcioma zaviali kryminalnuju spravu pa artykule 415 UK RB . (Uchileńnie ad adbyvańnia pakarańnia ŭ vyhladzie abmiežavańnia voli)Chłopiec byŭ vymušany źjechać va Ŭkrainu.
Pavodle artykułu 415 Arciomu moža pahražać ad šaści miesiacaŭ da troch hadoŭ turmy.U śniežni 2007 hodu pa hetym artykule Artur Fińkievič atrymaŭ paŭtara hodu pazbaŭleńnia svabody.
Spravu Dubskaha vioŭ sudździa Rusak. Advakatam u Arcioma budzie Tamara Sidarenka.